राप्रपाद्धारा स्थानिय निर्वाचनमा फेसबुक देखी स्थानिय टेलिभिजनसम्म प्रयोग योजना

Posted on: April 15, 2017 | views: 139

काठमाडौं । 

राष्ट्रिय प्रजातन्त्र पार्टीले आसन्न स्थानिय तह निर्वाचनको प्रचारकार्यलाई प्रभावकारी  बनाउन पार्टी प्रवक्ता रोशन कार्कीको संयोजकत्वमा ९ सदस्यीय केन्दिय प्रचार प्रसार समिति गठन गरेको छ ।  समितिमा पार्टीका अर्का प्रवक्ता भूवन पाठक, केन्दिय सदस्य कोमल वली,  मोहन श्रेष्ठ, किरण गिरी, प्रदीप कुमार उदय,  रविन चाम्लिङ्ग, गोपाल पौड्याल र रेशमराज पौडल रहेका छन् ।

स्थानिय मतदाता समक्ष पार्टीका निति तथा कार्यक्रम सरल र प्रभावकारी शैलीमा पु¥याउन पार्टीले प्रचार कार्यलाई सघन रुपमा अगाडी बढाउने  निर्वाचन प्रचास समिति संयोजक कार्कीले बताउनु भयो । पार्टीले निर्वाचन प्रचारका लागि आम सञ्चार तथा सामाजिक सञ्जालका विभिन्न १५ माध्यम र २० वटा चुनावी नारा तय गरेको छ ।  

पार्टीका अध्यक्ष एवं उपप्रधानमन्त्री तथा संघीय मामिला मन्त्री कमल थापाले आगामी स्थानीय निर्वाचनलाई केन्द्रीय प्रचार प्रसारलाई नवीन शैलीमा आक्रमक रुपमा अगाडी बढाउन  निर्देशन दिनु भएको छ । बैशाख ८ गते काठमाडौंमा  एक समारोह विच स्थानिय निर्वाचन घोषणा पत्र सार्वजनिक गर्ने  योजना बनाएको राप्रपाको प्रचार प्रसार सम्बन्धि कार्यलाई   प्रचार समितिले केन्द्र र स्थानिय तहलाई जोड्ने बताएको छ ।

एकताको महाधिबेशन गरी शक्ति आर्जन गरेको मान्यतामा रहेको राप्रपाले पार्टीको निति कायक्रम  र सैद्धान्तिक अडान सही हुदाहुदै पनि चुनावी कार्यक्रमलाई प्रभावकारी रुपमा आम मतदाता समक्ष प्रभावकारी रुपमा पु¥याउन नसक्दा विगतका निर्वाचनमा पछि परेको अनुभव गरेको राप्रपाले  यसपटक प्रचार कार्यलाई प्रविधि मैत्री बनाई एकीकृत रुपमा अगाडि बढाउने योजना बनाएको छ ।

त्यसका लागि राप्रपाले स्याटेलाइट टेलिभिजन, स्थानिय एफ.एम. रेडियो, पत्रपत्रिका, यूट्युव फेसबुक पेज, ट्वीट् देखि इन्स्ट्रागाम, एसएमएस,स्थानिय टेलिभिजन, अनलाईन रेडियो जस्ता माध्यम मार्फत पार्टीका उम्मेदारहरुको प्रचार गर्ने योजना बनाएको छ ।  

 राप्रपाले ठाउँ ठाँउमा गरिने आम सभालाई अनलाईन रेडियो  एन्ड्रोइड एप्स मार्फत प्रचार गर्ने भएको छ । त्यसैगरी जनताको माझमा राप्रपा कार्यक्रम पुस्तिका,. घरदैलोको लागि पर्चा निवाचन चिन्ह गाई अंकित टोपी वितरण गर्ने बताएको छ । स्थानिय निवाचनका लागि रापपाले ‘गाईमा मतदान, जनतालाई स्थानीय विकास अभियान’, ‘राप्रपाको चाहना, हिन्दू राष्ट्रको स्थापना’‘निरन्तरता सहितको सकारात्मक परिवर्तन,स्थानीय विकासको लागि राप्रपालाई मतदान’ र. ‘गाउँ बेँसी सहर, राप्रपाको लहर जस्ता नारापनि तय गरेको छ ।