अबको निकास आर्थिक विकास बताउने भट्टराईले नामै नसुनिएका ६८ दल बटुलेर अनसन थाले

Posted on: April 15, 2017 | views: 113

काठमाडौं ।

निर्वाचनमा आफुले भनेको चुनाव चिन्ह पाउनुपर्ने भन्दै दलीय चुनाव चिन्हको माग गर्दै नयाँ शक्ति पार्टीका प्रमुख बाबुराम भट्टराईले नामै नसुनेका दलहरु समेटेर अनसन थालेका छन् ।


अबको निकास आर्थिक विकासको नारा दिएर नयाँ शक्ति पार्टी खोलेका भट्टराई पछिल्लो समय आन्दोलनमा मात्र सिमित छन् ।


संविधान जारिपछि बिरोध गर्दै तराई केन्द्रित दलहरुलाई उकास्न कहिले तराई त कहिले भारत धाएका भट्टराई स्थानिय चुनाव हुने पक्का देखेपछि निर्वाचनको संघारमा चुनाव चिन्ह माग्दै अनसनमा बसेका छन् ।


रोचक कुरा त के भने भट्टराईले अहिलेसम्म नामै नसुनिएका दलहरु भेला पाएरे ६८ वटा दलको आन्दोलन भन्दै अनसन थालेका छन् ।


संसदमा रहेका दलहरुलाई मात्रै दलीय चुनाव चिन्न प्रदान गर्ने कानुनी व्यवस्था रहेकोमा त्यसको बिरुद्ध उत्रँदै भट्टराईले शंखधर शाख्वा रत्नपार्कस्थित शान्ति वाटिकामा ६ दिने अनसन थालेका छन् ।


अनसनका क्रममा भट्टराईले दलीय चुनाव चिन्न संसद बाहिरका दललाई नदिने नियम तर्कसंगत नभएको बताए । तर भट्टराई स्थानिय चुनाव घोषणा हुँदासम्म तत्काल चुनाव हुन नहुने भन्दै बिरोधमा थिए त्यतिखेर भट्टराईले दलिय चुनाव चिन्हको माग गरेको अवस्थामा संभव हुने भएपनि मतपत्र समेत छापिइसक्न लागेको बेलामा चुनाव चिन्ह माग गर्नु निर्वाचन बिथोल्ने वा स्थगित गराउने मनसाय रहेको राजनीतिक विश्लेषकहरुले बताउन थालेका छन् ।


स्थानीय तह निर्वाचन ऐनमा संसदमा नरहेका दललाई दलीय चुनाव चिन्न नदिने व्यवस्था गरिएको छ ।