के हेरि बसेको त ? देउवाको भाषण भन्छन्-'देश टुक्र्याउने षड्यन्त्र भइरहेको छ'

Posted on: April 12, 2017 | views: 275

पोखरा ।

पूर्व प्रधानमन्त्री त्यसमाथि देशकै ठूलो दलका प्रमूख हुन् शेरबहादुर देउवा । तर दुखको कुरा उनै देश टुक्राउने षड्यन्त्र भइरहेको भन्दै भाषण दिंदै हिँड्छन् । 


चुनावका मुखमा जनतालाई चर्का भाषण दिने नाममा देश टुक्राउने षड्यन्त्र भइरहेको भाषण गरेपनि उनले कसले र कसरी केही कहिल्यै बताउँदैनन् ।


पछिल्लो समय प्रहरी प्रमूख आफुले भनेकै व्यक्ति हुनुपर्ने भन्दै हस्तक्षेप गर्दा आलोचना खेपेका देउवा त्यसअघि भारत लगातार घुम्न जानुका साथै चीन बिरोधी नेताहरुलाई भेटेर नभेटेको भनि झुट बोल्दा बदनाम भएका थिए ।


यस्तै बदनामीलाई जोगाउन चुनावी भाषणका क्रममा नेपाली काँग्रेसका सभापति शेरबहादुर देउवाले पहाडी र मधेसीबीच द्वन्द्व सृजना गरेर देशलाई टुक्राउने षड्यन्त्र भइरहेको बताएका छन् ।


पोखरामा आयोजित चुनावी सभालाई सम्बोधन गर्नुहुँदै सभापति देउवाले संविधान कार्यान्वयनका लागि स्थानीय तहको निर्वाचन सफल बनाउन सहयोग गर्न मोर्चालाई आग्रह गरे ।


देउवाले स्थानीय निर्वाचनका लािग लागि जिल्लाबाटै उम्मेदवारको नाम पठाउन नेता कार्यकर्तालाई सुझाव दिए ।


उनले स्थानीय निर्वाचनमा विद्रोह र अन्तरघात गर्नेलाई कडा कारबाही गरिने पनि बताए । तर दुखको कुरा देश टुक्राउने षड्न्त्र भइरहेको भाषण दिएका देउवाले यस्तालाई करावाही र आफु त्यस्ता विरुद्ध कडा रुपमा उत्रने भन्ने खालको कुनै अभिव्यक्ति समेत दिएनन् ।


निर्वाचन नभए लोकतन्त्र समाप्त हुन्छ ः नेता पौडेल


केही दिनअघि नेपाल स्विजरल्याण्ड भन्दा अघि बढिसकेको, पहाडमा पर्यटकको लर्को लाग्ने, नेपाललाई सुनको डल्लो जस्तो बनाउने भन्ने चुनावी भाषण दिएका नेपाली काँग्रेसका वरिष्ठ नेता रामचन्द्र पौडेलले स्थानीय तहको निर्वाचन नभए लोकतन्त्र समाप्त हुने बताएका छन् ।


नेपाल प्रेस युनियनले आज तानसेनमा गरेको पत्रकार भेटघाट कार्यक्रममा बोल्दै नेता पौडेलले भने “मुलुकमा स्थानीय तहको निर्वाचन टार्ने कोसिस भइरहेको छ तर त्यो गलत हो ।”


मधेसी मोर्चाको मागप्रति लक्ष्यित गर्दै नेता पौडेलले भने “सुधारिएको प्रस्ताव संसद्मा दर्ता भएको छ । संविधान संशोधनको प्रक्रिया अगाडि बढेको छ ।” 


पटक पटकको आन्दोलनबाट प्राप्त उपलब्धिको रक्षाका लागि निर्वाचन अपरिहार्य रहेको नेता पौडेलको भनाइ छ ।