रातारात आईजीपी नियुक्ती गरेका प्रधानमन्त्री भन्छन्-'अब नियुक्ती बिधि नै नयाँ बनाउँछौं'

Posted on: April 11, 2017 | views: 458

काठमाडौं ।

रातारात आईजीपी नियुक्त गरेर फुली समेत लगाउन भ्याएका प्रधानमन्त्री पुष्पकमल दाहालले अब आईजीपी नियुक्तिको विधिनै नयाँ बनाउने घोषणा गरेका छन् ।


रातारात आईजीपी नियुक्तीलाई सर्वोच्चको फैसलाको सम्मान भएको जिकिर गर्दैै प्रधानमन्त्री दाहालले कार्यकारीको अधिकार समेत रक्षा भएको दाबी गरे ।


मंगलबार संसदको सुशासन समितिको बैठकमा उपस्थित प्रधानमन्त्रीले-'‘केही ढिलो त भयो । तर, हामीले जुन प्रक्रियाले आईजीपी नियुक्त गरेका छौं, यसले अदालतको फैसलालाई सम्मान गरेक छौं र आईजीपी नियुक्त गर्ने कार्यकारीको अधिकारको पनि रक्षा गरेका छौं ।’


वरियता र कार्यक्षमताका आधारमा यसअघि पहिलो नम्वरमा रहेका नवराज सिलवाललाई आईजीपी हुनबाट रोक्दै प्रकाश अर्याललाई प्रहरी महानिरीक्षक बनाउने निर्णय विधि संगत र राजनीतिक रुपमा प्रेरित नभएको प्रधानमन्त्रीको जिकिर थियो ।


प्रधानमन्त्री दाहालले आईजीपी नियुक्तिमा राजनीतिक खिचातानी नहुने सुनिश्चित गर्न मूल्यांकन विधि नै नयाँ बनाउने समझदारी भएको जानकारी दिए ।


आईजीपी नियुक्तिमा राजनीतिक चलखेल हुँदा शान्ति सुरक्षामै असर परेको भन्दै उनले भने, भविश्यमा आईजीपी नियुक्तिमा राजनीतिक खिचातानी नहोस् भन्नका निम्ति मूल्यांकन विधि नयाँ बनााउने समझदारीमा सरकार पुगिसकको छ ।’