दुइ चरणमा भएपनि चुनाव गर्ने छलफल चलिरहेको छ ः मन्त्री बुढाथोकी

Posted on: April 05, 2017 | views: 233

सोलुखुम्बु ।

सामान्य प्रशासन मन्त्री केशब कुमार बुढाथोकीले मधेशी मोर्चालाई सहमतिमा ल्याउन सरकार हदैसम्मको लचक भइरहेको बताएका छन् ।


बैशाख ३१ गतेको चुनाबलाई सफल पार्न पनि मोर्चालाई सहमतिमा ल्याउन सरकारले कसरत गरिरहेको उनको भनाई छ ।


आज सोलुखुम्बुमा नेपाल प्रेस युनियनले आयोजना गरेको पत्रकार सम्मेलनमा मन्त्री बुढाथोकीले मोर्चामा रहेका दलहरु समेत चुनाबी बाताबरण तयार पार्न केन्द्रीत भएको दाबी गर्दै मोर्चा सहमतिमा आउने बिश्वास ब्यक्त गरे ।


मन्त्री बुढाथोकीले स्थानिय तहको निर्बाचन हुन नदिन बिभिन्न शक्तिकेन्द्रहरु लागि रहेको बताएपनि यसबारे केही नखुलाउँदै भने सरकारले सबै चुनौतीहरु सामाना गरेर कुनैपनि हालतमा चुनाब सम्पन्न गर्ने बताए ।


देशैभर एकैसाथ चुनाब सम्पन्न गर्ने बाताबरण नबने दुइ चरणमा पनि गर्नेबारे छलफल भइरहेको मन्त्री बुढाथोकीको भनाइ छ ।