ओलीले देउवालाई भने-'आईजीपी समेत गाउँकै नभई नहुनेले सम्हालिएर बोल्नु'

Posted on: April 02, 2017 | views: 685

काठमाडौं ।
नेकपा एमालेका अध्यक्ष केपीशर्मा ओलीले काँग्रेस सभापती शेरबहादुर देउवालाई मुख सम्हालेर बोल्न चेतावनी दिएका छन् ।

हिजो मात्र इटहरीमा एमालेले विखण्डनलाई बढाएको भन्दै देउवाले एमालेको आलोचना गरेपछि आज काठमाडौं एमालेको चुनावी अभियान आरम्भका क्रममा बोल्दै ओलीले भने आफ्नो गाउँ बाहेक केही नहेर्नेले जथाभावी बोलेर हिँडेका छन् । उनलाई म सम्हालिएर बोल्न आग्रह गर्छु ।’

नेपाल प्रहरीको आईजीपी सिफारिसमा सरकार साझेदा रहेको काँग्रेस सभापती देउवाको हस्तक्षेपकै कारण वरियता र वरिष्ठताका आधारमा नवराज सिलवाल हुनुपर्नेमा आफ्नो क्षेत्रको भएकै कारण देउवाले जयबहादुर चन्दलाई बनाउन लगाएका थिए । तर सर्वोच्चले चन्द बरियता आधारमा नियुक्त गर्न नालायक रहेको बताएपछि सरकारले अहिले आईजीपी समेत नियुक्त नगरि रिक्तता गराएको छ ।

सभामा बोल्दै ओलीले प्रदेशका नाममा देश बिखण्डन गर्ने काम कांग्रेसले गरिरहेको भन्दै आउने चुनावमा जनताले कांग्रेसलाई दण्डित गर्ने बताए । उनले एमाले मधेसी जनताको पक्षमा रहेको भन्दै मधेसी मोर्चाको नाममा देउवाले बिखण्डनकारी गतिबिधि गरिरहेको आरोप लगाए । ओलीले एमालेले सिंगै मुलुकको सम्बृद्धिको कुरा गर्दा देउवालाई असैहृय भएको टिप्पणी समेत गरे ।

आइजीपी नियुक्तिमा देउवाले लिएको अडानप्रति कटाक्ष गर्दै ओलीले भने९ ‘पुलिसको आइजीपीसमेत आफ्नै जिल्ला, गाउँकालाई नभई नहुने र छुद्र व्यवहार देखाउनेले एमालेप्रति टिप्पणी गर्न सुहाउँदैन ।’

ओलीले कुनै पनि वहानामा निर्वाचन नरोकिने भन्दै बाबुराम भट्टराई निर्वाचन बिथोल्न नियोजित रुपमा लागेर अनेक बहाना झिकिरहेको आरोप समेत लगाए ।