महाकालीका गाउँ बस्तीमा बढ्दै स्थानिय निर्वाचनको राप

Posted on: March 29, 2017 | views: 122

पप्पु गुरुङ्, १६ चैत्र, महाकाली नगरपालिका । सरकारले आगामी वैशाख ३१ गते स्थानीय निकायको निर्वाचनको मिति तोकेको छ । चुनावको मिति घोषणा भए संगै महाकाली नगरपालिकाका राजनीतिक दललाई चुनावी रापले तताएको छ् । महाकाली नगरपालिकाका क्रियाशिल राजनितिक दलले यति बेला स्थानिय नेतृत्व आफ्नो पक्षमा पार्न गाउ तथा बस्ती केन्द्रीत कार्यक्रमलाइ तिब्रता दिएका छन् । नेपाली कांग्रेस, नेकपा एमाले माओबादी केन्द्र,र ाष्ट्रीय प्रजातन्त्र पार्टी लगायतका दलहरुले गाउ बस्तीमा निकै कसरत गर्न थालेका छन् । दुई दशक पछी हुन लागेको स्थानिय तहको निर्बाचनलाइ लक्षित गर्दै जनताको मन जित्ने बिकासे नारा लिएर दलका नेता र कार्यकर्ताहरु गाउ गाउमा घरदैलो, सभा र कार्यक्रम गर्न थालेका छन । चुनाव लड्ने आकांक्षा बोकेका कतिपय नेताहरु आफ्नो कार्य क्षेत्र वडा नै बनाएर खटिरहेका छन । जिल्लाका नेता, कार्यकर्ता अहिले देखि नै आ–आफ्नो पार्टीको एजेन्डा लिएर वडा र टोल टोलमा पस्न थालेका छन् भने स्थानीयबासी लामो प्रतिक्षा पछि नेता भेट्न पाउदा मख्ख परेका छन् । महाकाल िनगरपालिकाको सडक, चोक, चिया पसल, चौतारा, खेतवारीमा सबै स्थानमा अहिले स्थानीय तह निर्वाचनकै कुराले प्राथमिकता पाउन थालेको छ । स्थानियहरु अहिले चुनाव होला कि नहोला भन्ने आशंका देखिए पनि कतैबाट खासै विरोधका कार्यक्रम र स्वर सुन्न नआएकाले पनि चुनाव हुनेमा चुनावका पक्षमा रहेका दलहरु ढुक्क देखिएका छन् । स्थानिय तह देखि जिल्ला तहका नेता तथा कार्यकर्ता महाकाली नगरापलिकाका बिभिन्न वडा तथा टोल, बस्तीमा स्थानिय तथा कार्यकर्ता संग भेट गर्न भ्याई नभ्याई छ् ।