स्ववियु निर्वाचन बहिस्कारको नाममा आरआरमा प्रचण्ड क्रान्तिकारीको यस्तो वितण्डा

Posted on: March 28, 2017 | views: 166

काठमाडौं ।
आफ्नै पार्टी सरकारमा हुँदा समेत यसअघि घोषित स्ववियु चुनाव भाँड्न लगाएको अखिल क्रान्तिकारीले चुनाव बहिस्कार गरेको बताउँदै निर्वाचनमा सहभागीमाथि ढुंगामुढा र बम प्रहार गरेको छ ।

राजधानीको रत्नराज्य लक्ष्मी क्याम्पसमा स्वतन्त्र विद्यार्थी युनियनको निर्वाचन बिथोल्न खोज्ने अराजक क्रान्तिकारीहरुको समूहले पत्रकारलाई लक्षित गरेर पेट्रोल बम समेत प्रहार गरेको छ ।

फोटो पत्रकार श्रीधर पौडेल, कान्तिपुरका केशव थापा लगायतका पत्रकारहरु बसेको ठाउँमा चुनाव बिथोल्ने समूहले पेट्रोल बम प्रहार गरेको हो । पेट्रोल बम खुट्टानेर पड्कँदा कसैलाई केही हुन पाएन ।

पुष्पकमल दाहाल नेतृत्वको माओवादी केन्द्रका अखिल क्रान्तिकारीहरुले आरआर क्याम्पसको चुनावमा भाग नलिइ बहिस्कार गरेको बताएका छन् भने विद्यार्थीले मतदान गरिरहँदा बिथोल्नका लागि विहानैदेखि मतदानस्थलमाा ढुंगा प्रहार गरिरहेका थिए ।

घटनामा डीएसपी सन्तोष तामाङसहित चार प्रहरी घाइते भएका छन् । यस्तै सशस्त्र प्रहरीको सञ्चार सेट हराएकोमा पद्मोदय मोडमा नेपाल प्रहरीको टोलीले भेट्टाएर बुझाएको छ ।

अखिल क्रान्तिकारीले मतदान बिथोल्न ढुंगा हानेपनि पेट्रोल बम नहानेको भन्दै झुठो अभिव्क्ती दिएका छन् ।

स्ववियु निर्वाचन बहिस्कार गरको बताएको प्रचण्ड क्रान्तिकारीले एमाले अध्यक्ष केपी ओली र एमालेविरुद्ध नाराबाजी गरिरहेका छन् । ९ विद्यार्थी संगठनको बिरोध भनिए पनि प्रदर्शनमा अखिल क्रान्तिकारीको मात्र उपस्थिति देखिन्छ ।

अहिले आरआरमा क्यम्पसका नियमित बिद्यार्थीले परिचयपत्रका आधारमा मतदान गरिरहेका छन ।

मतदानस्थल बाहिर एमाले सम्बद्ध अनेरास्ववियु र कांग्रेस सम्बद्ध नेविसंघका उम्मेदवारहरुले लाइनमा उभिएर मतदातासँग मत मागिरहेका छन् । अखिल क्रान्तिकारीले चुनाव हार्ने देखेपछि यसअघि समेत निर्वाचन बहिस्कार भन्दै बिथोलेका थिए भने काँग्रेसको नेविसंघले क्याम्पसमा नै आगो लगाएपछि चौतर्फी बिरोध भएको थियो ।

सर्बोच्च अदालतको आदेशपछि क्याम्पस प्रशासनले आज निर्वाचन गराउन लागेको हो ।
निर्वाचनमा अनेरास्ववियुका तपेन्द्रवहादुर शाही सभापति रहेको प्यानल खडा भएको छ भने नेविसंघबाट उत्तमवहादुर साउदको प्यानल प्रतिस्पर्धामा छ । अखिल क्रान्तिकारीले ध्रुवराज वाग्लेको प्यानल खडा गरेको छ ।