३ प्रतिशत मत र १ जनाले प्रत्यक्ष चुनाव जित्नुपर्ने राजनीतिक दलसम्बन्धी विधेयक पारित

Posted on: March 22, 2017 | views: 235

काठमाडौं ।
व्यवस्थापीका संसदको आजको दोस्रो बैठक राज्य व्यवस्था समितिको प्रतिबेदन सहितको राजनीतिक दल सम्बन्धि बिधेयक २०७३ पारित गरेको छ ।

बैठकमा बिधेयक माथि छलफल गरीयोस भन्ने प्रस्ताब भौतिक पूर्बाधार तथा यातायात मन्त्री रमेश लेखले प्रस्तुत गर्नुभएको थियो ।

राष्ट्रिय दलका रुपमा मान्यता प्राप्त गर्न निश्चित मत प्राप्त गर्नुपर्ने वा नपर्ने भन्ने विषयमा दलबीच लामो समयदेखि गम्भीर मतभेद रहँदै आएको थियो ।

नेपाली काँग्रेस, नेकपा एमाले, नेकपा 'माओवादी केन्द्र' र राप्रपाले कम्तीमा पनि ३ प्रतिशत मतसीमा राख्नुपर्ने अडान राख्दै आएका थिए भने साना दलले त्यसप्रति असहमति जनाइरहेका थिए ।

समितिमा हुँदै आएको लामो बहस, सघन छलफल र अन्तराष्ट्रिय अभ्यासका आधारमा समितिले थ्रेसहोल्डको विषयलाई टुङ्ग्याएको हो ।

राष्ट्रिय दलका रुपमा मान्यता प्राप्त गर्न समानुपातिक निर्वाचनमा कुल खसेको सदर मतमध्ये ३ प्रतिशत र प्रत्यक्ष निर्वाचन प्रणालीतर्फ एक सिट ल्याउनैपर्ने प्रावधानप्रति नेपाल मजदुर किसान पार्टी, नेकपा माले, राष्ट्रिय जनजागरण पार्टी लगायतका साना दलले भने असहमति जनाएका छन् ।