प्रधानमन्त्री दाहाल आफ्नो भ्रमण आफैं स्विकृत गरेर उपलब्धीहिन चीन भ्रमणमा जाँदै

Posted on: March 22, 2017 | views: 334

काठमाडौं ।
प्रधानमन्त्री भएर दुईपटक भारत भ्रमणपछि चीन जान लागेका पुष्पकमल दाहालको भ्रमण घुमघाम र भेटघाटमैै सिमित हुने भएको छ ।

भारतीय दवावपछि चीनसँग हुने भनिएको सबै सम्झौता नगर्ने निर्णय गर्दै प्रधानमन्त्री दाहाल आफ्नो भ्रमण आफैं स्विकृत गरेर चीन जान लागेका हुन् ।

भारत परस्त सरकारको आम आरोप खेप्दै आएको लम्पसारवादी सरकारको बिल्ला भिरेको सरकार साताव्यापी चीन भ्रमण घुमघाममै सिमित हुनेभएपछि सरकारको औचित्यमाथिनै प्रश्न उब्जिएको छ ।

मन्त्रिपरिषदको बैठक साँझ ५ बजे बोलाएपनि स्थगित गर्दै परराष्ट्रमन्त्रालयको प्रस्तावलाई मन्त्रिपरिषद्बाट पछि अनुमोदन गर्ने गरी प्रधानमन्त्रीले स्वीकृत गरेका हुन् ।


प्रधानमन्त्री दाहाल परराष्ट्रमन्त्री प्रकाशशरण महतसहित १५ सदस्यीय प्रतिनिधिमण्डलको नेतृत्व गर्दै बिहीबार राति चीन जाँदैछन् ।

राष्ट्रपति सी जिनपिङसहित उच्च चिनियाँ अधिकारीसँग भेटवार्ता गर्ने कार्यक्रम रहेपनि भ्रमणका क्रममा कुनै पनि विषयमा सम्झौता नहुने भएपछि प्रधानमन्त्री दाहालको भ्रमण निरर्थक हुने निश्चित भएको छ ।

प्रधानमन्त्रीको भ्रमणका अवसरधमा कुनै सन्धि, सम्झौता, समझदारीमा हस्ताक्षर नहुनु दुखदपूर्ण भ्रमण भारतकै कारण भएको र सरकारमै रहेका उपप्रधानमन्त्री बिमलेन्द्र निधि सहितका मन्त्रीहरुको असहयोग र सत्तासाझेदार दल काँग्रेसको दवावपछि देशको हितमा हुन लागेका आधा दर्जन सन्धि सम्झौताहरु प्रधानमन्त्री दाहालले थन्क्याउँदै चीन भ्रमण घुमघाममै सिमित गर्ने भएपछि बहुप्रतिक्षित उनको भ्रमण निरर्थक बन्न पुगेको छ ।

प्रधानमन्त्री दाहाल आफ्नो चार दिने चीन भ्रमण सकेर आईतबार स्वदेश फर्कने छन् ।