मधेसी मोर्चा द्धारा सरकारलाई दिएको समर्थन फिर्ता, यस्तो छ आन्दोलनको तालिका

Posted on: March 14, 2017 | views: 190

काठमाडौं, १ चैत । संयुक्त लोकतान्त्रिक मधेसी मोर्चाले सरकारलाई दिएको समर्थन फिर्ता लिने निर्णय गरेको छ । तराई मधेस लोकतान्त्रिक पार्टीको केन्द्रीय कार्यालय बिजुली बजारमा आज दिउसो बसेको बैठकले सरकारलाई दिएको समर्थन फिर्ता लिने निर्णय गरेको राष्ट्रिय मधेस समाजवादी पार्टीका महासचिव केशव झाले जानकारी दिनुभयो । मोर्चा संग आबद्ध सात राजनीतिक दलका ४९ जना सांसदले व्यवस्थापिका– संसध प्रतिनिधित्व गर्दै आएका छन् । सङ्घीय गठबन्धनको फागुन २४ गते बसेको बैठकले संसध दर्ता भएको संविधान संशोधन प्रस्ताव परिमार्जन सहित पारित गर्न र स्थानीय तहको निर्वाचनको घोषणा सात दिनभित्र फिर्ता लिन सरकार संग माग गरेको थियो । सो माँगका विषयमा सरकारले कुनै पनि पहल कदमी नचालेको भन्दै आज देखि सरकारलाई दिएको सर्मथन फिर्ता लिइएको मोर्चाको भनाई छ । त्यस्तै मोर्चाको बैठकले विभिन्न तीन चरणका कार्यक्रम समेत तय गरेको छ । पहिलो चरणको आन्दोलनमा चैतमा माध्यामिक तह (कक्षा १०) को परीक्षा पर्ने भएकाले सामान्य विरोधका कार्यक्रम गर्ने, दोस्रो चरणमा दिन बिराएर आन्दोलन तथा विरोधका कार्यक्रम गर्ने र तेस्रो चरणमा बृहत कार्यक्रम गर्ने विषयमा छलफल भएको महासचिव झाले जानकारी दिनुभयो ।