प्रकाशचन्द्र लोहनीले कमल थापालाई यस्तो लेख्दै पार्टी छाडे, हलो राप्रपा व्युँताउने

Posted on: March 12, 2017 | views: 604

काठमाडौं ।
डा. प्रकाशचन्द्र लोहनीले कमल थापा नेतृत्वको राष्ट्रिय प्रजातन्त्र पार्टी परित्याग गरेका छन् ।

राप्रपाका पूर्वअध्यक्ष तथा वरिष्ठ नेता रहेका लोहनीले कमल थापाले भ्रष्टाचारमा आँखा चिम्लँदै सत्ता स्वार्थमा लाग्दै पार्टीलाई व्यक्तिगत स्वार्थमा प्रयोग गरेको भन्दै पार्टी परित्याग गरेको घोषणा गरेका छन् ।

अघिल्लो दिन सरकारको आलोचना गर्दै भोली पल्ट उपप्रधानमन्त्रीको शपथ खाएका कमल थापाको शैलीको आलोचना गर्दै लोहनीले राजधानीमा पत्रकार सम्मेलन गरेर पार्टीसँगको आफ्नो कुनै सम्बन्ध नरहेको घोषणा गरेका छन् ।

लोहनीले तत्काल कुनै पार्टीमा आवद्ध नहुने तथा निस्कृय पनि नरहने भन्दै छिट्टै यसबारेमा धारणा सार्वजनिक गर्ने बताएका छन् ।

डा। लोहनीले बिहीबार पार्टी अध्यक्ष थापालाई पठाएको पत्रमा डा। लोहनीले भनेका छन्, ‘म आजको मितिबाट राष्ट्रिय प्रजातन्त्र पार्टीको कुनै पनि तहको सदस्य नरहेको तपाईंलाई जानकारी गराउदछु ।’

उनले थापामाथि पार्टी एकता महाधिवेशन पश्चात पार्टी विधानमाथि उपहास गर्दै महाधिवेशनको क्रममा भएका समकालीन समझदारीलाई लत्याउने र सम्पूर्ण पार्टीलाई आफ्नो राजनीतिक र स्वार्थपूर्तिको औजार मात्र बनाएको आरोप लगाएका छन् ।

साथै मन्त्रिपरिषद्मा सामेल हुँदा र पार्टीका तर्फबाट राजदूत नियुक्तिमा नाम सिफारिस गर्दा एकतर्फी निर्णय लिएको र सरकारद्वारा भएको ‘नांगो भ्रष्टाचार’लाई अनुमोदन गरेको सन्देश थापाको गतिविधिले दिएको आरोप पनि लोहनीले लगाएका छन् ।

‘भविष्यमा देशमा समावेशी राष्ट्रियता, बहुलवादी प्रजातन्त्र, प्रगतिशील उदावाद, पहिचान र संसदमा अनुमोदित राजसंस्था प्रतिबघ रहेर देश र जनताको हकहित्, अधिकार र स्वाभिमानको संरक्षण गर्दै देश विकासमा निरन्तर सक्रिय रहने छु, ’ पत्रमा भनिएको छ।

राप्रपा हलो व्युँताउने
यसैबिच डा. लोहनी निकट एक नेताका अनुसार हलो राप्रपा विघठन गर्दै राप्रपा नेपालमा बिलय भएका पशुपती शम्शेरसँगै पछी लागेका लोहनीले छिट्टै राप्रपा पार्टी व्युँताउने तयारी गरेका छन् ।

राप्रपा एकता महाधिवेशनमा समेत अध्यक्ष उमेद्वारी दिएर फेरी पछि हटेका लोहनीले राप्रपा नेपालमा असन्तुष्ट रेहका तथा पूर्व राप्रपामा रहेका नेताहरु समेटेर राप्रपा गठनको योजना बनाएका छन् ।

हलो चुनाव चिन्हलाई यथावत राख्दै नयाँ पार्टी गठनको योजनामा रहेका लोहनी यसको प्रमूख त हुनेनै छन् यो पार्टीले राप्रपा नेपाल गाई चुनाव चिन्हको लागि उस्तै सिद्धान्त र नीतिका आधारमा निर्वाचनमा मत काट्ने पहिलो निकट दल बन्ने निश्चित छ ।