भारतीय ज्यादतीविरुद्ध माओवादी केन्द्रद्वारा ७ नम्बर प्रदेश बन्दको घोषणा

Posted on: March 09, 2017 | views: 371

 कञ्चनपुर, २६, फागुन । कञ्चनपुर पुनरर्वास नगरपालिका वडा नम्बर ८ स्थित आनन्द बजारमा भारतीय सीमा सुरक्षाबलले गरेको ज्यादतीका विरुद्ध माओवादी (केन्द्र)ले ७ नम्बर प्रदेश बन्दको आह्वान गरेको छ । आनन्द बजरामा भारतीय प्रहरीको गोलीबाट पुर्नवास नगरपालिका समिति सदस्य गोविन्द गौतमको मृत्यु भएको र भारतीय प्रहरीले नेपालको सार्वभौम सत्ता माथि ठाडो हस्तक्षेप गरेको विरोधमा बन्दको घोषणा गरेको माओवादी केन्द्र नम्बर प्रदेश समितिले जनाएको छ । ‘सीमा क्षेत्रमा भारतीय प्रहरी आएर नेपालीहरु माथि निर्घात कुटपिट, नेपालीको हत्या गर्ने, धम्क्याउने तथा लुटपाट जस्ता अपराधिक क्रियाकलाप बारम्बार भइरहदा समेत नेपाली प्रशासन मौन रहदै आएको परिस्थिति छ । आजको घटना यसैको उपज हो । त्यसैले भारतीय ज्यादतीको विरोधमा हामीले ७ नम्बर प्रदेश बन्द गर्ने निर्णय गरेका हौं’ माओवादी नेता सरलले बताए, भारतीय हस्तक्षेपका कारण आजको दु:खद् घटनाबाट ७ नम्बर प्रदेशका जनता निकै दु:खीत र अक्रोशित बनेका छन् । बन्दको समर्थनगर्न माओवादी केन्द्रले सम्पूर्ण जनताहरुमा अनुरोध समेत गरेको छ ।