एमालेको मेचीमहाकाली अभियान सुरु, जनता के चाहन्छन् भन्ने बुझ्न अभियान ओली

Posted on: March 04, 2017 | views: 213

झापा ।
प्रमुख प्रतिपक्षी दल नेकपा एमालेको मेची महाकाली राष्ट्रिय अभियान आजदेखि शुरु भएको छ ।

आगामी निर्वाचनलाई लक्षित गरी एमालेले पूर्वी जिल्ला झापाको काँकडभिटृाबाट अभियानको शुरुवात गरेको हो ।

१५ दिने अभियानमा नेकपा एमाले पार्टीका शिर्षनेता सहित केन्द्रीय कार्यसमिति, पोलिटव्युरो तथा स्थायी समितिमा रहेका सम्पुर्ण नेताहरु सहभागि हुनुहुन्छ । अभियानमा पत्रकार, कलाकार, वुद्धिजीवी, स्वयंसेवक तथा शुभचिन्तक सहित एकहजार भन्दा बढीको सहभागिता रहेको छ ।

अभियानको उद्घाटन गर्दै नेकपा एमालेका अध्यक्ष तथा पुर्वप्रधानमन्त्री केपी शर्मा ओलीले, नेकपा एमाले जनताको आदेश मान्ने पार्टी हो भन्दै जनता के चाहन्छन भन्ने बुझ्न पार्टीले राष्ट्रिय अभियान थालेको बताए ।

एमालेको दबावले नै सरकारले स्थानीय निकाय निर्वाचन घोषणा गरेको भन्दै उनले निर्वाचनको माहोैल बनाउन अभियानले मद्दत गर्ने बताए ।



एमाले अध्यक्ष ओलीले यो अभियान कुनै जाती, समुह वा पार्टी विशेषको विरोधको लागि नभइ सबै जातजाती र समग्र नेपाली समुदाय वीचको एकता अनि सदभाव वृद्धिको लागि भएको बताए ।

नेकपा एमाले संबिधान मान्ने पार्टी भएको भन्दै उनले एमालेको अभियानले संबिधान कार्यान्वयनमा सहयोग पुर्याउने दाबी गरे ।