संशोधन प्रस्ताव पारित हुन दिन्नौँ ः अध्यक्ष ओली

Posted on: February 26, 2017 | views: 267

काठमाडौं ।
नेकपा एमालेका अध्यक्ष केपी शर्मा ओलीले संविधान संशोधन प्रस्ताव पारित गर्न नदिइने दोहोर्याएका छन् ।

एमाले केन्द्रीय कार्यालय धूम्बाराहीमा आयोजित पार्टी प्रवेश कार्यक्रमलाई अध्यक्ष ओलीले संविधान संशोधन राष्ट्र हितमा नरहेको दाबी गरे ।

नेता ओलीले पैसा खाएर राजदूत नियुक्त गरेको समाचार सार्वजनिक सञ्चारमाध्यममा आउँदा पनि सत्तारुढ दलका नेताले मुख खोल्न नसकेको बताए ।

कार्यक्रममा पार्टी सचिव प्रदीप ज्ञवालीले युवा वर्ग १० वर्षे माओवादी जनयुद्धको सिकार बनेको बताएका थिए ।

कार्यक्रममा पार्टीका उपाध्यक्ष अष्टलक्ष्मी शाक्य, कार्यालय सचिव कृष्णगोपाल श्रेष्ठ र एमाले काठमाडौँ अध्यक्ष कृष्ण राईले सबै तहको निर्वाचन आगामी माघ ७ गतेअघि नै सम्पन्न गरिनुपर्नेमा जोड दिए ।

यसैबिच गौरमा मधेसी मोर्चाका कार्यकर्ताले एमालेले आयोजना गरेको कार्यक्रम भाँड्न ढुंगामुढा गरेपछि झडप भएको छ ।

रौतहटको सदरमुकाम गौरमा मोर्चाका उग्र कार्यकर्ता र प्रहरीबीच झडप हुँदा एक जना पत्रकार सहित तीन जना घाईते भएका छन ।

नेकपा एमालेले सदरमुकाम गौरमा गरेको पार्टी प्रवेश तथा कार्यकर्ता भेटघाट कार्यक्रमलाई बिथोल्न मधेशी मोर्चाले गौरको बिपी चौकमा विरोध प्रदर्शन गर्दा प्रहरी संग झडप भएको हो ।