मानव तस्करलाई राजदूत सिफारिस गरेका देउवा भन्छन्-'निर्णय सच्चिंदैन'

Posted on: February 26, 2017 | views: 141

काठमाडौं ।
नेपाली कांग्रेसका वरिष्ठ नेताहरुले नै आफुहरुले समेत कहिल्यै नचिनेको र विवादीत व्यक्तिलाई राजदूतमा सिफारिस गरेको भन्दै बिरोध गरेकोमा पार्टी सभापति शेरबहादुर देउवाले निर्णय नसच्याउने प्रतिक्रिया दिएका छन् ।

मानव तस्करको रुपमा बदनाम भएकालाई पार्टीले राजदूत सिफारिस गरिएको निर्णय सच्याउनुपर्ने काँग्रेसका नेता कार्यकर्ताले बताइरहँदा देउवाले भने आफ्नो निर्णयमा पुर्नविचार नहुने बताएका हुन् ।

पार्टीका वरिष्ठ नेता रामचन्द्र पौडेल पक्षले पार्टीमा आवद्ध नरहेकाहरुलाई राजदूतमा सिफारिस गरेकोमा आपत्ति जनाउँदै सच्याउन देउवामाथि लिखित रुपमै दबाव दिएपछि देउवाको यस्तो प्रतिक्रिया आएको हो ।

सिंहदरबारमा सञ्चारकर्मीहरुसँग कुरा गर्दै देउवाले राजदूत नियुक्तिबारे छलफल हुन नसक्ने जिकिर गर्दै पार्टी केन्द्रिय समितिमा समेत छलफल नहुने बताए ।