नाम नयाँ शक्ति, बिचार पुरानै, १९ वर्षपछि हुन लागेको स्थानिय चुनावको बावुराम उपेन्द्रद्धारा बिरोध

Posted on: February 23, 2017 | views: 489

काठमाडौं ।
अब हुने तीनैवटा निकायको निर्वाचनमा पहिलो पार्टी बन्ने दाबी गर्दै आएका नयाँ शक्ति नेपालका संयोजक बाबुराम भट्टराईले स्थानिय चुनावको बिरोध गरेका छन् ।

१९ बर्षपछि हुन लागेको स्थानिय चुनावको समर्थन र स्वागत गर्दै यसमा भाग लिनुुको साटो भट्टराईले
तराई केन्द्रित राजनीति गर्दै आएका भारत निकट संघीय समाजवादी फोरमका अध्यक्ष उपेन्द्र यादवसँग मिलेर चुनावको बिरोध गर्दै विज्ञप्ति निकालेका छन् ।

यादव र भट्टराईको हस्ताक्षरमा जारी संयुक्त वक्तव्यमा वैशाख ३१ को स्थानीय चुनाव स्थगित गर्न माग गरिएको छ ।

सरकारले आफैंले संसदमा दर्ता गरको संविधान संशोधन विधेयक पास नगरी स्थानीय चुनाव घोषणा गर्न नहुने उसको माग छ ।

नाममा नयाँ शक्ति राखेपनि पुरानै ढर्रामा नयाँ निर्वाचन र नयाँ जनादेशमा जानुपर्ने माग र दबाव दिनुपर्नेमा चुनावै नगर्न माग गर्दै विज्ञप्तिमा निर्वाचनसँग अनसन्वन्धित विवादास्पद संविधान संशोधन प्रस्ताव पास गर्न माग गरिएको छ ।

१९ बर्षदेखी हुन नसकेको स्थानिय चुनाव स्थगित गर्न माग गरेका भट्टराईले संघ र प्रदेशको चुनाव पहिला गर्नु पर्ने माग समेत गरेका छन् ।

जनप्रतिनिधि नहुँदा स्थानिय निकायमा गएका करोडौं बजेट दुरुपयोग हुँदै आएको यथार्थतालाई भुल्दै भट्टराई र यादवले स्थानिय निकायको चुनावलाई राजनीतिक दलहरुको भागवण्डा र सत्ता स्वार्थ भएको तर्क गरेका छन् ।
सुरुमा सरकारले ल्याएको विवादास्पद संविधान संशोधनको बिरोध गरेको मधेश केन्द्रित राजनीति गर्दै आएको मधेशी मोर्चा देशभर प्रस्तावको विरोध हुनथालेपछि यसलाई जसरी पनि पास गर्नुपर्ने अडानमा छ ।

भारतले पुष्पकमल दाहाल सरकारले पेस गरेको विवादास्पद संशोधन प्रस्ताव पेश गर्ने वित्तिकै यसको स्वागत गर्दै पास गर्न अनुरोध गरेको थियो ।

नेपालको आन्तरिक मामलामा हस्तक्षेप गर्दै भारतीय अभिव्यक्ति आएपछि भारतीय दुतावास चहार्न थालेका मधेश केन्द्रित दल र सत्ताधारी दलहरु त्यसपछि विवादास्पद संविधान संशोधन जसरीपनि पास गर्नुपर्ने अडान र योजनामा साना दलहरुलाई आफुतिर पार्न विभिन्न प्रलोभन देखाउँदै सरकारमा भाग दिएर सहभागी गराइरहेका छन् ।