चुनावको मिति छिट्टै घोषणा हुन्छ : सत्तारुढ दल

Posted on: February 19, 2017 | views: 166

काठमाडौं ।
सत्तारुढ प्रमुख दुई दल नेपाली काँग्रेस र नेकपा मओवादी केन्द्रबीच छिट्टै निर्वाचनको मिति घोषणा गर्ने सहमति भएको छ ।

प्रधानमन्त्री निवास बालुवाटारमा प्रधानमन्त्री एवम् नेकपा (माओवादी केन्द्र) का अध्यक्ष पुष्पकमल दाहाल र नेपाली काँग्रेसका सभापति शेरबहादुर देउवासहित दुई दलका शीर्ष नेताहरुले मुलुकको समसामयिक परिस्थितिबारे छलफल गर्दै निर्वाचनको दिशातर्फ अघि बढ्ने सहमति भएको हो ।

मुलुकको परिस्थिति ध्यानमा राखी निर्वाचनको मिति छिट्टै घोषणा गरी पछि संविधान संशोधन प्रक्रिया अघि बढाएर निर्वाचन गर्ने सत्तारुढ दलबीच सहमति भएको माओवादी केन्द्रका नेता नारायणकाजी श्रेष्ठले बताए ।

बैठकमा नेपाली काँग्रेसका महामन्त्री डा. शशाङ्क कोइरालाले निर्वाचन क्षेत्र निर्धारण आयोगसँग आवश्यक परामर्श गरी छिट्टै निर्वाचन गराउन सत्तारुढ दलबीच सहमति भएको बताए ।