प्रचण्डको हल्कारा बन्दै नारायणकाजी श्रेष्ठ भारतीय नेताको दैलो चहार्दै

Posted on: February 14, 2017 | views: 463

काठमाडौं ।
भारतीय आशिर्वादमै काँग्रेसको समर्थन पाएर आफैं सहभागी भएको एमाले नेतृत्वको सरकार गिराएर प्रधानमन्त्री बनेका पुष्पकमल दाहालकोतर्फवाट भारतीय नेतासँग सत्ताबारे कुरागर्न नेता नारायणकाजी श्रेष्ठ भारतमा रहेका छन् ।

भारतीय नेताको दैलो चहार्दै भेट माग्दै श्रेष्ठ काँग्रेस सभापती शेरबहादुर देउवाले सत्ता हस्तान्तरणको माग गर्न थालेपछि दाहाल सरकार बचाइदिन माग गर्दै सहयोगको याचनामा भारतीय सत्ताधारीको समर्थन खोजिरहेका छन् ।

भारतले चाहे अनुसार काम गर्ने आश्वासन र विश्वास दिलाउँदै दाहाल सरकारको आयु बढाउन सहयोग मागिरहेका श्रेष्ठले भारतीय नेताहरुसँग हालको सरकारले गरिररहेको भारतका हितका कामबारेमा सन्देश सुनाउने छन् ।

नेपाली बिमानस्थलमा भारतीय ऐयरफोर्सका जवानलाई राख्न दिन रातारात मन्त्रिपरिषदबाट निर्णय गराएको दाहाल सरकारले भारतीय इशारामै देशभर बिरोध भइरहँदा समेत संघियताको विषयमा संशोधन प्रस्ताव पेश गर्दै पूर्ववत संघिय संरचना फेर्न लागिरहेको छ ।

भारतीय राष्टपतिको भ्रमण गराएर चिनियाँ राष्टपतिको नेपाल भ्रमण रोकेको दाहाल सरकारले चिनियाँ नेता तथा अन्य परियोजना अघि बढ्न समेत अवरोध र आवश्यक सहयोग नगरि अड्काउँदै आइरहेको छ ।

सत्ता बाहिर रहँदा नेपालको आन्तरिक मामिलामा भारतले गर्ने हस्तक्षेपको कडा विरोध गर्दै आएपनि श्रेष्ठ दाहालका दुत बनेर हल्कारा बन्दै भारतीय नेताको दैलो चहार्न पुगेपछि उनको राष्टियता र सत्ता स्वार्थ र भारत भक्ती छलंग भएको छ ।

श्रेष्ठले भारतीय नेसनल कांग्रेसका महासचिव डीपी त्रिपाठी, विपक्षी कांग्रेसका नेताहरु करण सिंह, मनिसंकर अय्यर तथा आनन्द शर्मासँग भेटघाट गरिसकेका छन् । उनले भारतीय जनता पार्टीका महासचिव राममाधवसँग मंगलबार भेटघाट गर्ने कार्यक्रम छ ।

राजनीतिकबाहेक प्रशासनिक तहमा श्रेष्ठले गरेको भेटघाटका बारेमा भने श्रेष्ठ र दिल्लीस्थित नेपाली दुतावासले केही पनि बताएको छैन ।