नेताहरुलाई फेरी शितलनिवास बोलाइन् राष्ट्रपतिले

Posted on: February 13, 2017 | views: 414

काठमाडौं ।
पछिल्लो पटक डाकेको नेताहरुको बैठकमा शेरबहादुर देउवाले एमाले अध्यक्ष केपी ओलिलाई औंलो ठड्याएर चुप लाग भनेपछि बैठक विषयमा प्रवेश गरेपनि बैमनस्यताका कारण बिना निस्कर्ष सकियो ।

त्यसपछि नेताहरुका बिचका सामुहिक छलफल नभएपनि दुई पक्षिय र सत्तापक्षिय छलफलहरु भइरहेका छन् ।

तर फागुनको पहिलो साता मिति घोषणा गरेर जेठको पहिलो साता स्थानीय चुनाव गराउने बताइरहेको सरकार र सत्ताधारिले सर्वदलिय बैठक राखेर समस्या समाधानमा गम्भिर पहल गरेको छैन ।

यसैलाई मध्यनजर गर्दै राष्ट्रपति विद्यादेवी भण्डारीले निर्वाचन मिति घोषणा, संविधान संशोधनका विषय र निकासमा रहेर छलफल गर्न राष्ट्रपति भवन शिलत निवासमा प्रमुख दलहरुका शिर्ष नेताहरुलाई डाकेकी छिन् ।=

आजै शितलनिवासमा अपरान्ह चार बजेपछि हुने छलफलमा कांग्रेस, एमाले र नेकपा माओवादी केन्द्र, संयुक्त लोकतान्त्रिक मधेशी मोर्चा र साना केही दलका शीर्ष नेताहरुलाई बोलाइएको छ ।

पछिल्लो पटक नेपाल प्रहरीको आइजीपी नियुक्तीमा सत्तापक्षकै बिचमा मनमुटाव भइरहँदा हुन लागेको सर्वदलिय छलफलले विवादका विषयमा छलफल भएपनि निकास निस्कनेमा अझै आशंका रहेको छ ।