१० महिनाभित्र कार्यतालिका सहित तीनवटै चुनाव हुनुपर्छ : एमाले अध्यक्ष ओली

Posted on: January 21, 2017 | views: 372

काठमाडौं ।
नेकपा एमालेका अध्यक्ष केपी शर्मा ओलीले अवको १० महिनाभित्र कार्यतालिका सहित तीन वटै तहको निर्वाचन गर्नेगरी मिति घोषणा हुनुपर्ने बताउनुभएको छ ।

नेकपा एमाले भक्तपुरले दुधपाटीमा आज गरेको कार्यक्रममा अध्यक्ष ओलीले अर्को वर्ष मंसिरको दोस्रो हप्ताभित्र प्रतिनिधिसभाको चुनाव गर्ने गरी कार्यतालिका जारी गर्न सरकारलाई आग्रह गर्नुभयो ।

उहाँले सरकारले तीनवटै तहको निर्वाचन कार्यतालिका सहितको मिति घोषणा गर्न नसक्ने हो भने माओवादी केन्द्र र काँग्रेससहितको गठबन्धन सरकार सत्तामा बसिरहन नमिल्ने उल्लेख गर्नुभयो ।