महन्थ ठाकुरले सम्धिनीलाई सांसद बनाएर नपुगेर सम्धीलाई महामन्त्री बनाए

Posted on: January 21, 2017 | views: 395

काठमाडौं ।
तराईका जनताको शिक्षा, स्वास्थ्य, विकास भन्दा मुद्दाको नारा उठाएर राजनीति गर्दै आएका तराई मधेस लोकतान्त्रिक पार्टीका अध्यक्ष महन्थ ठाकुरले आफ्नै सम्धीलाई पार्टीको महामन्त्री बनाएका छन् ।

यसअघि आफ्नै सम्धिनी इन्दिरा झा लाई सांसद बनाउँदा चर्को आलोचना खेपेपनि त्यसको पर्वाह नगरि ठाकुरले पार्टीको महामन्त्रीमा सम्धिलाई नियुक्त गरेका हुन् ।

ठाकुरकी एक मात्र छोरी डा। मिनाक्षी झाको विवाह उमाकान्त झा र इन्दिरा झाको छोरासँग केही बर्ष अघिमात्र भएको थियो ।

तराई केन्द्रित राजनीति गर्दै आएका ठाकुरले पार्टीमा परिवार, आफन्त र नातागोता मात्र मुख्य पदमा राख्न थालेपछि उनको पार्टीका कार्यकर्ताहरुले भने धमाधम पार्टी छाडिरहेका छन् ।