रक्षा मन्त्रीलाई मन्त्रि थपिँदा सामान्य लाग्यो

Posted on: January 21, 2017 | views: 346

धनगढी ।

रक्षामन्त्री बालकृष्ण खाँणले मौज्दुता मन्त्रिपरिषदमा २ जना नयाँ मन्त्री थपिनु स्वभाविक भएको बताउनु भएको छ ।

मिडिया नेपालद्धारा आज धनगढीमा आयोजित सवाल कार्यक्रममा मन्त्री खाणले साना दलहरुको गठबन्धनका तर्फबाट २ जना मन्त्री थपिएकाले यसलाई संबिधान संशोधन प्रस्तावसंग जोडेर हेर्न नहुने बताउनु भयो ।

संचारक्रर्मीको जिज्ञासामा मन्त्री खाणले प्रमुख प्रतिपक्षी एमालेको सहमतिमै संबिधान संशोधन प्रस्ताव अघि बढाउने प्रयासमा सरकार लागीरहेको बताउनु भयो ।

काग्रेस केन्द्रिय सदस्य समेत रहेका मन्त्री खाणले पाच नम्बर प्रदेशको सिमाकंन हेरफेरका बिषयमा ब्यक्ति रुपमा आफू असहमत रहेपनि त्यसबारे पार्टीको निर्देशन भन्दा बाहिर जान नसकिने बताउनु भयो ।

उहाले असन्तुष्ट सबै दललाई मिलाएर मुलकलाई निर्वाचनतर्फ लैजाने गृहकार्यमा सरकार रहेको बताउनु भयो ।