माओवादी नेताले हिजो शिलान्यास गरेको पुल ओलीले आज फेरि गरे शिलान्यास

Posted on: January 19, 2017 | views: 342

झापा, माघ ६- एमाले अध्यक्ष केपी शर्मा ओलीलाई उन्छिन्दै माओवादी केन्द्रका केन्द्रीय सदस्य रेवतराज पुरीले बुधबार शिलान्यास गरेको झापाको बेतिनी मावा आम्बारी खोलाको पुलको बिहीबार ओलीले शिलान्यास गरेका छन् ।

माओवादी नेताले आफूहरुको पहलमा पारेको योजनाको पुल एमालेले थाहा नदिई उद्घाटन गर्न लागेको भन्दै बुधबार शिलान्यास गरेका थिए ।
ओलीले बिहीबारको शिलान्यास कार्यक्रममा अघिल्लो दिनको शिलान्यासको बिषयप्रति कुनै प्रतिक्रिया दिएनन् । माओवादी नेताले बुधबार खोलाको पश्चिम तिर पुलको शिलान्यास गरेका थिए भने बिहीबार ओलीले पूर्वतर्फ शिलान्यास गरे । दमक–१९ मा रतुवा खोलाको पुल करिब रु ३३ करोड, दमक–१७ मा मावा खोलाको पुल निर्माणमा रु २३ करोड र सडक स्तरोन्नतिका लागि रु सात करोड बजेट छुट्याइएको छ । रासस