बाबुराम र उपेन्द्रको गोलमडोल संयुक्त वक्तव्य, कार्यकारि राष्ट्रपतिको माग

Posted on: November 28, 2016 | views: 445

१३ मंसिर, काठमाडौं ।
कार्यकारि राष्ट्रपति को माग राखेर जनतासँग भोट माग्दै संविधान बनाउँदा भने जनतालाई लोप्पा खुवाएका वावुराम भट्टराई र उपेन्द्र यादवले फेरी यस्तो व्यवस्था गर्न माग गरेका छन् ।

संसदमा तेस्रो शक्ति रहँदा माओवादीबाट संविधानमा कार्यकारि राष्ट्रपतिको माग वावुराम भट्टराई सहित प्रचण्ड र उपेन्द्र यादवहरुले छाडेका हुन् । नेकपा एमालेले भने कार्यकारि प्रधानमन्त्रीको नाममा जनताबाट मत लिएर धोका दिएका थिए ।

१९ बर्षदेखी हुननसकेको स्थानिय निकायको चुनाव हुनुपर्ने समयमा अहिले कुवेलामा आएर भने नयाँ शक्ति नामको पार्टी खोलका बावुराम भट्टराईले उनै यादवसँग मिलेर विज्ञप्ति निकाल्दै कार्यकारि राष्ट्रपति हुनुपर्ने माग राखेका छतन् ।

यसैगरि नयाँ शक्ति पार्टी नेपाल र संघीय समाजवादी फोरमले संविधान संशोधन गर्दा वर्गीय, जातीय, लैंगिक, भाषिक, साँस्कृतिक, धार्मिक र क्षेत्रीय भेद्भावहरुलाई अन्त्य गरिनुपर्ने भन्दै वक्तव्य निकालेको छ ।

आज नयाँ शक्ति पार्टी, नेपालका संयोजक डा। बाबुराम भट्टराई र संघीय समाजवादी फोरमका अध्यक्ष उपेन्द्र यादवले संयुक्त वक्तव्य जारी गर्दै संविधान संशोधनको विषयमा संयुक्त धारणा सार्वजनिक गरेका हुन् ।

जारी वक्तव्यमा उल्लेख गरिएको छ – ‘मधेशी, थारु, आदिवासी जनजाति, खस, मुस्लिम, शिल्पी –दलित०, उत्पीडित, उपेक्षित र अल्पसंख्यक समुदाय तथा पिछडिएका क्षेत्र लगायतका समस्याहरुलाई सम्बोधन गर्न संयुक्त लोकतान्त्रिक मधेशी मोर्चा, आदिवासी जनजाति राष्ट्रिय आन्दोलन, पहिचानमा आधारित गठबन्धन, संयुक्त प्रादेशिक मोर्चाहरु समेत सम्मिलित संघीय गठबन्धनले उठाएका राष्ट्रिय मुद्दाहरु खासगरी – राष्ट्रिय पहिचानको मान्यता, अधिकारसहितको संघीयता, पूर्ण समानुपातिक प्रतिनिधित्व हुने संसद्, जनताद्वारा प्रत्यक्ष निर्वाचित कार्यकारी राष्ट्रपति, राज्यका सबै अंगमा समानुपातिक समावेशीकरण बहुभाषिक नीति, स्वायत्तता तथा स्वशासन, संघीय न्यायपालिका, प्रादेशिक क्षेत्राधिकारभित्र स्थानीय तह तथा विशेष संरचनाहरु रहने व्यवस्था, सामाजिक न्याय र समानताको अधिकार सहित सबैखाले विभेदको अन्त्य हुने गरी नेपालको संविधानलाई संशोधनद्वारा सच्याउनु पर्दछ ।’

संविधान संशोधनमा भारतले दवाव दिंदै आएको अंगिकृत नागरिकता, पाँच नम्वर प्रदेशबाट तराईलाई छुट्याउने षड्यन्त्रकारी योजना, आत्मनिर्णयको नाममा देश टुक्राउने प्रस्ताव जस्ता गम्भिर विषयमा केही नबोलेका दुवै नेताले गोलमडोल भाषा प्रयोग गर्दै वक्तव्यमा जातिय, क्षेत्रिय, लिंगिय आदि आकर्षक देखीने शव्द प्रयोग गर्दै संशोधन गरिनुपर्ने भनेको छ । तर उसले स्पष्ट के हुनुपर्ने बुँदागत रुपमा आफ्ना केही कुरा लेखेको छैन ।

आफ्ना माग विपरित गरिने संविधान संशोधनले शान्ति, स्थीरता र विकासको सट्टा मुलुकलाई थप द्वन्द्व, अन्यौलता र अस्थीरतातर्फ धकेल्ने भन्दै दुई नेताले गम्भिर विषयका संशोधन तयारीमा मौन सांध्नाले दुवै पार्टी र नेताको भारतीय मागमा समर्थन गर्दै जन बिरोधमा मौनता साँधेको देखिएको छ ।