कमल थापा राप्रपा संसदीय दलको नेता, उपनेतामा बोहोरा

Posted on: November 27, 2016 | views: 324

१२ मंसिर, काठमाडौं ।
पशुपति शम्शेर जबरा र कमल थापाको राप्रपा र राप्रपा नेपला मिलेपछि बनेको राष्टिय प्रजातन्त्र पार्टी संसदीय दलको नेतामा कमल थापा निर्विरोध निर्वाचित भएका छन् ।

एकता भएपछि संसदीय दलको नेता चयन गर्न आइतबार राप्रपाको संसदीय दलमा बसेको बैठकले संसदीय दलको उपनेतामा दीपक बोहोरालाई चयन गरेको छ ।

बैठकमा एकता हुनुअघिको राप्रपाका संसदीय दलका नेता दीपक बोहराले थापालाई संसदीय दलको नेता चयन गर्न प्रस्ताव गरेका थिए । उनको प्रस्तावमा सांसदहरूले समर्थन जनाए ।

कमल थापा यसअघि राप्रपा नेपालका संसदीय दलका नेता थिए । संसदीय दलको नेता कमल थापाले दीपक बोहरालाई उपनेतामा प्रस्ताव गरे र सर्वसम्मतले बोहरा उपनेता चुनिए ।

राप्रपा र राप्रपा नेपालबीच एकता भएपछि पार्टीको नाम ‘राप्रपा’ राखिएको छ । एकतापछि राप्रपाको संसदमा ३७ सिट भएको छ । पार्टीको अध्यक्षमा पशुपति शम्सेर जवरा रहेका छन् ।

यसैगरी संसदीय दलको बैठकले दुई पार्टीबीच एकीकरण भएपछि संसदीय दलको विधान संशोधन गर्न चार सदस्यीय समिति समेत गठन गरेको छ । सांसद विक्रम पाण्डेको संयोजकत्वमा समिति गठन गरिएको जनाइएको छ ।