राप्रपा–राप्रपा नेपाल एकीकरण मङ्सिर ६ मा

Posted on: November 15, 2016 | views: 257

३० कार्तिक, काठमाडौं ।
राप्रपा नेपाल र राष्ट्रिय प्रजातन्त्र पार्टीबीच आगामी मङ्सिर छ गते एकता हुने भएको छ ।

राप्रपा नेपालका अध्यक्ष कमल थापा र  राप्रपाका अध्यक्ष पशुपतिशम्शेर राणाले मङ्सिर ६ गते काठमाडौँको प्रज्ञा भवनमा पार्टी एकता घोषणासभा गर्ने समझदारीपत्रमा आज संयुक्त रुपमा हस्ताक्षर गरेका हुन् ।

राप्रपा नेपालका प्रवक्ता राजाराम श्रेष्ठका अनुसार एकीकृत पार्टीको अन्तरिम विधान अनुमोदन गरिएको र केन्द्रीय महाधिवेशन सकेसम्म आगामी माघभित्र सम्पन्न गरिने दुवै पार्टीले जनाएको छ ।