बन्दको प्रभाव सामान्य,बन्द गराउँदै हिँड्ने ५० जना बिहानै पक्राउ

Posted on: November 13, 2016 | views: 96

कठमाडौं,कात्तिक २८ ।  नेत्रविक्रम चन्द ‘विप्लव’ नेतृत्वको नेकपा माओवादीले  आह्वान  गरेको बदको प्रभाव सामान्य रुपमा परेको छ । सडकमा बन्दकर्ता नदेखिएपनि सार्वजनिक सवारीको साधान भने चलेको छैनन् । बाटो बन्द गराउदै  हिँड्ने ५० जना भन्दा धेरै पक्राउ परेका छन् । 


काठमाडौंका विभिन्न ठाउँबाट उनीहरुलाई आइतबार बिहानै पक्रेको प्रहरीले जनाएको छ । आइतबार नेत्रविक्रम चन्द विप्लव नेतृत्वको माओवादीले बन्दको आह्वान गरेकाले काठमाडौं उपत्यकासहित देशभरको सुरक्षा व्यवस्था कडा पारिएको छ । उपत्यकाका चोक चोक तथा भित्रि गल्लीमा सादा पोशाकका प्रहरी पनि खटिएका छन् ।


सरकारले कालोबजारी र महंगी नियन्त्रण नगरेको भन्दै चर्को महंगीका विरुद्ध र खाद्य सम्प्रभुता सुनिश्चित गर्न विप्लव माओवादीले नेपाल बन्द गरेको जनाएपनि जनता भने वन्दवाट दिक्क भएका छन् ।


विभिन्न माओवादी घटकहरुबीच एकता भए यता विप्लवले कैयौं पटक बन्द आह्वान गरिसकेका छन् । अखाद्य वस्तु आयात गर्ने, मुलुकमै उत्पादन भएको उत्कृष्ट खाद्य निर्यात गर्ने प्रचलनको अन्त्य गर्न सहजै सम्भव नभएकाले आम जनताको व्यापक सहभागितामा खाद्य सम्प्रभुताको सूनिश्चितताको लागि अन्तिम संघर्ष बन्द रोजेको छ ।