आयोगले चैतमा चुनाव गर्न तयारी गरिरहेको छ –प्रमुख आयुक्त यादव

Posted on: October 27, 2016 | views: 297

११ कार्तिक, काठमाडौं ।
निर्वाचन आयोगका प्रमुख आयुक्त डा. अयोधीप्रसाद यादवले आउँदो चैतमा निर्वाचन गर्न आयोगले गर्नुपर्ने तयारी दु्रत गतीमा गरिरहेको बताउनु भएको छ ।

सुनसरीको इटहरीमा हिजो पत्रकार सम्मेलन गर्दै यादवले प्रजातान्त्रिक व्यवस्था भएको मुलुकमा स्थानीय निकायको निर्वाचन नभएको दुई दशक हुन लाग्दा स्थानीय स्तरमा अनेकौं वेथिती बढेको बताउँदै समृद्ध राष्ट्र निर्माणका लागि स्वच्छ र निष्पक्ष निर्वाचनको खाँचो रहेको बताउनुभयो ।  

मुलुकका ७५ जिल्लालाई तिन भागमा विभाजन गरेर आयोगले तयारी तीव्र पारेको उहाले जानकारी दिनुभयो ।  


चैतसम्म स्थानीय निकायको निर्वाचन–मन्त्री पाण्डे

सङ्घीय मामिला तथा स्थानीय विकासमन्त्री हितराज पाण्डेले स्थानीय तह पुनसंरचना आयोगले नयाँ मापदण्ड कायम गरेकाले छिटो चुनाव गर्न सहज भएको बताउनुभयो ।

तनहुँको व्यास नगरपालिकामा हिजो आयोजित कार्यक्रममा उहाँले आयोगको नयाँ मापदण्ड अनुसार नै निर्वाचन क्षेत्रमा निर्वाचन गर्नेगरी सरकारले तयारी अघि बढाएको बताउनु भयो ।