आफैंले नियुक्त गरेका कार्कीलाई महाअभियोग निर्णय प्रचण्डको जिम्मामा

Posted on: October 22, 2016 | views: 326

६ असोज, काठमाडौं ।

नेकपा 'माओवादी केन्द्र'ले अख्तियार दुरुपयोग अनुसन्धान आयोगका प्रमुख आयुक्त लोकमानसिंह कार्कीविरुद्ध संसद्मा दर्ता भएको महाअभियोगको प्रस्ताव सम्बन्धमा आवश्यक निर्णय लिने अधिकार प्रधानमन्त्री तथा पार्टी अध्यक्ष पुष्पकमल दाहाललाई दिएको छ ।


अध्यक्ष दाहाल निवास लाजिम्पाटमा आज बसेको केन्द्रीय कार्यालय बैठकले महाअभियोग प्रस्तावमा विभिन्न पक्षसँग समन्वय गरी अगाडि बढ्न आवश्यक निर्णय लिने अधिकार अध्यक्ष दाहाललाई दिने निर्णय गरिएको प्रवक्ता पम्फा भुसालले जानकारी दिनुभयो ।

बैठक महाअभियोग दर्ता भएपछिको राजनीतिक अवस्था र त्यसको प्रभावको विषयमा केन्द्रित रहेको प्रबक्ता भूषालले जानकारी दिनुभयो ।



बैठकमा महाअभियोगको पक्षमा अन्य दलसँग आवश्यक छलफल गर्ने सहमति भएको छ ।

महाअभियोग प्रस्ताव दर्ता गर्दा अपनाइएको शैलीका सम्बन्धमा बैठकमा कतिपय सदस्यले असन्तुष्टि राखेका थिए ।



माओवादी केन्द्र र नेकपा ९एमाले०सहितका १५७ जना सांसदले गत कात्तिक ३ गते संसद्मा प्रमुख आयुक्त कार्कीविरुद्ध अविश्वासको प्रस्ताव दर्ता गराएका थिए ।
स्मरणीय छ कार्की अख्तियार प्रमूखमा प्रधानमन्त्री पुष्पकमल दाहाल संयोजक रहेको उच्चस्तरिय राजनीतिक संयन्त्रले सिफारिस गरेपछि नियुक्त भएका हुन् ।