काँग्रेस नेताहरु अझै लोकमानसिंह कार्कीलाई बचाउने पक्षमा

Posted on: October 21, 2016 | views: 205

५ कार्तिक, काठमाडौं ।
नेपाली कांग्रेस केन्द्रीय कार्य समितिको बैठकमा काँग्रेसका केही नेताहरुले लोकमानसिंह कार्कीलाई महाअभियोग लगाउन नहुने भन्दै उनको बचाउ गरेका छन् ।

विवादीत अख्तियार प्रमुख लोकमानसिंह कार्की्विरुद्ध ससदमा दर्ता भएको महाभियोग प्रस्ताव सविधान सशोधन, स्थानिय निकायको पुर्नसरचना, पार्टी सगठन र देशको समसामयिक राजनीतिक स्थितिका बिषयमा आजको बैठकमा छलफल भएको बताइएको छ ।

बैठकमा अख्तियार प्रमुख कार्की्विरुद्ध ससदमा दर्ता भएको महाभियोग प्रस्तावका बारेमा सदस्यहरुले दुईथरी धारणा व्यक्त गरेको केन्द्रिय सदस्य गोविन्द भटराईले जानकारी दिए ।

बैठकमा केही केन्द्रिय सदस्यले महाभियोग प्रस्तावका आधारहरुलाई केलाएर पार्टीले जिम्मेवार भएर निर्णय लिनु पर्ने धारणा राखेका थिए ।

केही केन्द्रिय सदस्यले अख्तियार प्रमुख कार्कीको नियुक्ति नै गलत भएकाले अहिले दर्ता भएको महाभियोग प्रस्तावलाई मौकाको रुपमा लिएर त्यसलाई समर्थन गर्नु पर्ने धारणा राखेका थिए ।

बैठकमा प्रकाशमान सिंह, डा. शेखर कोइराला, दिलेन्द्र बडु, नवीन्द्रराज जोशी, आनन्द प्रसाद ढुंगाना, ज्ञानेन्द्र बहादुर कार्की, रमेश लेखक, एन. पी साउद, कमला पन्त, प्रदीप पौडेल, किरण यादव, मान बहादुर विश्वकर्मा, जीवन परियार, फरमुल्लाह मन्सुर, देवेन्द्रराज कँडेल, मोहन बहादुर बस्नेत र रत्ना शेरचन लगायतका १६ जना केन्द्रीय सदस्यले आ–आफ्नो धारणा राखेका थिए ।

काँग्रेस केन्द्रीय कार्यसमितिको अर्को बैठक कार्तिक ८ गते सोमबार बिहान ८ बजे बस्नेगरि स्थगि भएको छ ।