प्रचण्डको पारा । नेतालाई पँजेरो दिएर साइकल सुविधा

Posted on: October 20, 2016 | views: 248

४ कार्तिक, काठमाडौं ।
जंगल युद्धबाट खुल्ला राजनीतिमा आएपछि एकदिन पनि कहिँ जाँदा कतै साइकल नचढेका प्रधानमन्त्री पुष्पकमल दाहाल प्रचण्डले अब आफु सहित सबै नेतालाई साइकल सुविधा दिने भएका छन् ।

प्रचण्ड सरकारले न व्यवहारिक न त उपयोगी नै हुने साइकल हेर्दा लोकप्रिय जस्तो देखिन सभामुख, उपसभामुखलगायत संसदका पदाधिकारीहरुलाई सुविधावापत साइकलसमेत दिने भएको छ ।

संसदमा तयार सांसदहरुको सुविधा बढाउने विधेयकका अनुसार अब सभामुखले २ वटा साइकल पाउनेछन् । कति मूल्य बराबरको साइकल भन्ने कुरा भने खुलाइएको छैन ।

साइकल दिएपछि त्यसको उपयोगिता, सुरक्षा, यसअघि दिइंदै आएको पँजेरो, सुरक्षाकर्मीको गाडीको सुविधा बारे बिधेयकमा केही बोलिएको छैन ।

सँधै अगाडि र पछाडि सुरक्षाकर्मीको गाडी राखेर पँजेरोमा हुईंकिने विपक्षी दलका नेताका नाममा पनि २ वटा साइकल दिने विधेयकमा उल्लेख छ ।

यस्तै विपक्षी दलका नेता, सत्तापक्षका नेता, सत्ता पक्षको मुख्य सचेतक, विपक्षी दलको प्रमुख सचेतक र समितिका सभापतिहरुले पनि १र१ वटा साइकल सुविधा पाउने नियम प्रचण्ड सरकारले प्रस्तावित विधेयकमा लेखेको छ ।