सुजाता कोइराला भन्छिन्-'तत्काल संविधान संशोधन आवश्यक छैन'

Posted on: September 26, 2016 | views: 361

१० असोज, विराटनगर ।
नेपाली कांग्रेस केन्द्रिय सदस्य सुजाता कोइरालाले तत्काल संविधान संशोधन आवश्यक नभएको बताएकी छिन् ।

 नेपाल प्रेश युनियन मोरङले विराटनगरमा आज गरेको पत्रकार सम्मेलनमा वोल्दै कोइरालाले संविधान संशोधनभन्दापनी संविधान कार्यान्वयनतर्फ दलहरु लाग्नुपर्ने बताइन् ।

उनले संविधान हेरफेर गर्दै जानेहो भने मुलुकका ७५ वटै जिल्लामा असन्तुष्टि वढने र  अस्थिरता छाउने बताइन् ।

नेपाली कांग्रेस नेतृ समेत रहेकी कोइरालाले संविधान सशोधनगर्न सवैदलको सहमती आवश्यक भएकाले प्रतिपक्षी दललाइ सहमतीमा नल्याई संविधान संशोधन हुन नसक्ने स्पष्ट पारिन् ।

कोइरालाले नया संविधानले सातवटा प्रदेश कायम गरिसकेकाले यसैलाई कार्यान्वयन गर्नुपर्ने र पछि समय अनुकुल संविधान कार्यान्वयन गर्दै जानुपर्नेमा जोड दिइन् ।

नेतृ कोइरालाले राष्ट्रको अहित हुने काम आफुहरुलाई कुनैपनी हालतमा स्विकार्य नहुने भन्दै कांग्रेसको नेतृत्वले पनी मुलुकको हित विपरित काम गर्छ भने त्यसलाई स्वइकारगर्न नसकिने स्पष्ट पारिन् ।

कोइरालाले नेतृत्वले गलत निर्णय गरे वैठक छाडेर जाने तर त्यसता कुरामा सम्झौता नर्गने भनाइ राखिन् ।

कोइरालाले आफु मात्रै होइन काग्रेसको ठुलो समुह राष्ट्र हित विपरित काम गर्ने पंक्षमा छैनन त्यसलाइ नेतृत्व तहले गंभिरता पुर्वक लिनुपर्ने बताइन् ।

पार्टी भित्र देखिएको गुट उपगुटका कारण नेपाली कांग्रेसको भविष्य समेत अन्यौल वन्दै गएको भन्दै कोइरालाले पार्टी नेतृत्वले मिलाउ सक्नु पर्ने नभए पार्टीको छवी समेत धमिलिदै जाने अवस्था आएको बिचार राखिन् ।