स्थानिय मन्त्री भन्छन्-'स्थानिय तह पूर्नसंरचनामा आयोगको प्रस्तावमा थपहट हुन्छ'

Posted on: September 25, 2016 | views: 344

९ असोज, धनगढी ।
संघिय मामिला तथा स्थानीय बिकास मन्त्री हितराज पाण्डेले स्थानीय तह पुर्नसंरचना आयोगले स्थानीय तहको संख्या ५६५ रहने भनी गरेको प्रस्ताव दलिय सहमतिका आधारमा थपघट हुने बताएका छन् ।

कैलालीको धनगढीमा आज देखि शुरु भएको सात नम्बर प्रदेश स्तरीय क्षेत्रिय बार्षिक समिक्षा गोष्ठीको आज धनगढीमा उद्घाटन गर्दै उनले जनतालाई अधिकार सम्मपन बनाउन मुलुक स्थानीय तह, संघीय र प्रदेश संरचनातर्फ उन्मुख भइरहेकाले त्यसै अनुरुपको बस्तुवादी योजना, निति, कार्यक्रम निर्माणमा केन्द्रीत रहन कर्मचारीलाई निर्देशन दिए ।

मन्त्री पाण्डेले संबिधानको कार्यान्वयन, पुर्ननिर्माण, सुशासन, राष्ट्रिय समृद्धिलाई प्राथमिता राखेर सरकारले काम गरिरहेको बताए ।

स्थानीय तह पुर्नसरचना आयोगले असोज भित्रै स्थानीय तहको संख्या, सिमाना निर्धारण प्रतिबेदन बुझाउने गरी काम गरिरएको जानकारीमा आएको उल्लेख गर्दै उहाले आगामी चैत्रमा स्थानीय तहको निर्वाचन गर्नका लागि सरकारले आवश्यक तयारी शुरु गरिसकेको बताए ।

दुइ दिनसम्म चल्ने गोष्ठीमा यस क्षेत्रका ९सात नम्बर प्रदेश स्थित० सवै नौ जिल्लाका स्थानीय बिकास अधिकारी, कार्यकारी अधिकृत लगायतको सहभागिता रहेको छ ।