लोकमानसिंहले प्रचण्डलाई भने-'गल्ति भयो लडाकु शिविर भ्रष्टाचारमा छानविन गर्दिन'

Posted on: September 20, 2016 | views: 1524

४ असोज, काठमाडौं ।
भ्रष्टाचार, राष्टिय स्वाधिनता लगायतमा सबैभन्दा बदनाम कमाइरहेका पुष्पकमल दाहाल प्रचण्ड आफैंले लडाकु शिविरमा आफ्नो संलग्नतामा भएको अर्बौं रुपैयाँ हिनामिना अख्तियार प्रमूख लोकमान सिंह कार्कीले छानविन गर्दिन भनेको बताएका छन् ।

अख्तियारले अर्बौं रुपैयाँ घोटालाका अभियुक्त पुष्पकमल दाहाल प्रचण्ड सहित माओवादी नेता बिरुद्ध छानविन गर्ने घोषणा लगत्तै संयुक्त राष्टसंघको महासभा बैठक समेत नगई भ्रष्टाचार काण्ड मिलाउन लागि परेका प्रधानमन्त्री पुष्पकमल दाहाल प्रचण्डले पार्टी बैठकमा लडाकु शिविरको अनियमितता छानबिन प्रक्रिया अघि नबढाउने प्रतिबद्धता अख्तियार प्रमूख कार्कीले जनाएको बताएका हुन् ।

माओवादी स्रोतलाई उदृत गर्दै ईकान्तिपुर अनलाईनले प्रकाशित गरेको समाचार अनुसार सोमबारको पार्टी बैठकमा प्रधानमन्त्रीले भनेका छन्  ‘मेरो अख्तियार प्रमुख लोकमानसिं कार्कीसँग कुरा भइसकेको छ, गल्ती महसुस गरेका छन्, छानबिनको प्रक्रिया अघि नबढाउने प्रतिबद्धता व्यक्त गरेका छन्’ ।

भ्रष्टाचार भएको भए छानविन गरेर प्रमाणित गर्न भन्नुपर्नेमा छानविन नै नगर्न दबाव दिएपछि छानविन रोक्ने बताएबाट पुष्पकमल दाहाल प्रचण्डको नियत र लडाकु शिविरमा भएको भनिएको अर्बौं रुपैयाँ घोटालामा उनको संलग्नतालाई बल मिलेको छ ।

भएका लडाकुसँख्या भन्दा बढी देखाएर राज्य ढुकुटीबाट अर्बौं रुपैयाँ बुझेर प्रधानमन्त्री रहेका पुष्पकमल दाहाल प्रचण्डले विदेशका विभिन्न बैंकमा राखेको तथा विभिन्न व्यापारीलाई दिएर देशभित्रै लगानी गरेर लुकाएको विभिन्न समाचारहरुमा यसअघि प्रकाशित भइसकेका छन् ।

स्मरणीय छ बिवादीत अख्तियार प्रमूख लोकमान सिंह कार्कीले गत शुक्रबार पत्रकार सम्मेलन नै गरेर माओवादी लडाकु शिविरमा भएको अनियमितता छानविन प्रक्रिया अघि बढाउने निर्णय सुनाएका थिए ।

सर्बोच्च अदालतले अख्तियार प्रमुख कार्कीलाई उक्त पदमा नियुक्ति गर्दा योग्यता नपुगेको बिषयमा भएको फैसलाको पुरावलोकन गर्ने निर्णय गरेकै अख्तियारले लडाकु  शिविर अनियमितताको छानविनको प्रक्रिया अघि बढाउने बताएको थियो ।

देशभर तथा बिदेशमा समेत बिरोध हुँदा समेत खिलराज रेग्मीको सरकारले तत्कालिन एमाओवादी अध्यक्ष रहेका पुष्पकमल दाहाल प्रचण्ड सहित काँग्रेस सभापती शुसील कोइराला, एमाले अध्यक्ष माधव कुमार नेपाल समेतको सहमतीमा अख्तियार प्रमुखमा नियुक्त गरेका थिए ।

देशभरबाट तिब्र विरोध भइरहँदा नेपाली काँग्रेसको कोटामा राष्ट्रपति बनेका रामवरण यादवले समेत राताराता कार्कीलाई प्रमुखमा नियुक्त गर्ने सिफारिस कार्यान्वयन गर्दै सरकारी कार्यालय सुरु हुनु अघिनै शपथ खुवाएका थिए ।

भारतीय योजना अनुसार भारतकै दवावमा अख्तियार प्रमूख नियुक्त गरिएको ठानिएका लोकमान सिंह काार्कीलाई दलहरुले दर्जनौं आरोप तथा चर्को बिरोधका बिच पनी संसदमा दर्ता भएको उनि बिरुद्धको प्रस्तावमा छलफल समेत अघि बढाउन सकेका छैनन् । सबैदलका नेताहरु आफु बिरुद्ध अख्तियारले छानविन गर्ला भन्ने डरमा कार्कीका सबै कर्तुतलाई माफी गर्दै मौन बस्दै आएबाट पनि शिर्ष भनिने सहित सबै दलका नेता र सांसद भ्रष्ट आचरणका रहेको जनताले विश्वास गर्न थालेका छन् ।

स्मरणीय छ माओवादी लडाकुहरुको शिविरमा झण्डै साढे ४ अर्ब रकमको अनियमिता भएको यसअघि माओवादीकै नेता सहित विभिन्न अध्ययनहरुले बताइसकेको छ । जुन रकमको जिम्मो हालका प्रधानमन्त्री पुष्पकमल दाहाल प्रचण्डले लिएका थिए ।