बिवादीत लोकमानको नियुक्ति फाइल प्रचण्ड सरकारसँगै

Posted on: September 19, 2016 | views: 629

३ असोज, काठमाडौं ।
भूकम्पमा परि बिवादीत अख्तियार प्रमूख लोकमान सिंह कार्कीको फाइल हराएको बहाना गरेको पुष्पकमल दाहाल प्रचण्ड सरकार अन्तत सर्वोच्चले फाइल नपठाए कारवाही गर्ने बताएपछि उनको नियुक्ती फाइल पठाउने तयारीमा जुटेको छ ।

देशभर बिरोध र हांस्यास्पद बनिरहेको लोकमान सिंहको फाइल हराएको प्रकरणमा सर्वोच्चले फाइल नपठाए सरकारी कर्मचारीलाई कारवाही गर्ने चेतावनी सहितको निर्णय सुनाएपछि फाइल पठाउन तयार देखिएको हो ।

यसअघि सरकारले कार्कीको नियुक्ति सम्बन्धी फाइल सर्वोच्चले माग्दा भूकम्पमा परेर हरायो भन्ने जवाफ दिएको थियो ।

लगत्तै सर्वोच्चले सात दिनभित्र नियुक्तिको कागजपत्र पेश गर्न निर्देशन दिँदै नभए सम्वन्धित अधिकारीलाई कारबाही गर्ने चेतावनी दिएको थियो ।

सर्वोच्चले अख्तियार प्रमुख कार्कीको नियुक्तिलाई आफैंले बैधानिकता दिएको विवादीत निर्णयमा पुनरावलोकन गर्दैछ ।