देउवा र सिटौला समूहको संयुक्त प्यानलको भिडन्त पौडेलपक्षसँग

Posted on: September 13, 2016 | views: 370

काठमाडौं,भदौ २८ । नेपाली कांग्रेसको भ्रातृसंस्था नेपाल महिला संघको तेस्रो महाधिवेशन बुधबारदेखि काठमाडौंमा सुरु हुँदैछ । काठमाडौंको भृकुटीमण्डपमा हुने महाधिवेशनको दिउँसो १ बजे कांग्रेस सभापति शेरबहादुर देउवाले उदघाटन गर्नेछन् ।  निर्वाचनमा संस्थापन र कृष्ण सिटौला समूहको संयुक्त प्यानल बनेको छ । रामचन्द्र पौडेल पक्षले पूर्व अध्यक्ष मीना पाण्डेलाई उम्मेद्वार बनाएको छ । 

देउवा पक्षबाट अध्यक्ष र सिटौला समूहबाट महासचिव लिने समझदारी भएसँगै अध्यक्षमा उमा रेग्मी अधिकारी र महासचिवमा धना खतिवडालाई उम्मेदवार उठाईने भएको छ । कोषाध्यक्ष र सदस्यहरुको उम्मेदवार टुंगिन बाँकी छ । निर्वाचित र मनोनीत गरी २ हजार २ सय ४४ प्रतिनिधि महाधिवेशनमा सहभागी हुनेछन् ।