देउवाले थर्काउँदै परराष्ट्रमन्त्रीलाई भने-'गौरीफन्टालाई एजेण्डामा राख्नु'

Posted on: September 05, 2016 | views: 480

२० भदौ, काठमाडौं ।
पूर्व प्रधानमन्त्री रहेका शेरबहादुर देउवाले नेपालको कुनै देशसँगको छलफलका विषय र सम्झौता कसरी हुन्छ भन्ने गतिलो उदाहरण पेश गरेका छन् ।

सामान्य राजनीतिक सिद्धान्तपनि नदेखिनेगरि नेपाली कांग्रेसका सभापति शेरबहादुर देउवाले कैलालीको धनगढीसँग जोडिएको गौरीफन्टा नाकाको स्तरोन्नतिलाई प्रधानमन्त्रीको भारत भ्रमणको एजेण्डामा राख्न भन्दै परराष्ट्रमन्त्री डा. प्रकाशशरण महतलाई हप्काउने शैलिमा निर्देशन दिएका छन् ।

देउवाले सोमबार सुदूरपश्चिमका उद्योगी व्यवसायी र राजनीतिक दलका नेताले बुढानिलकण्ठ पुगेर देउवालाई ज्ञापनपत्र बुझाएपछि देउवाले महतलाई निर्देशन दिंदै भने-'यो हाम्रो धनगढी छ नि धनगढी । गौरीफन्टा नाकालाई स्तरउन्नती गर्न एजेण्डामै राख्नुपर्‍यो ।’ उनले अगाडी थपे-'आरक्षणले के हुन्छ र । एजेण्डामै राख्नुस् ।’

एक सातादेखि काठमाडौंमा रहेका सुदूरपश्चिमका उद्योगी व्यवसायी र नेताहरुले गौरीफन्टा नाकालाई अन्तर्राष्ट्रियस्तरको बनाइनुपर्ने माग गर्दै मन्त्री, भारतीय राजदूतदेखि प्रधानमन्त्री प्रचण्डलाई समेत भेटिसकेका छन् ।

प्रधानमन्त्री रहेका पुष्पकमल दाहाल प्रचण्डले भारतसँगका छलफल तथा सम्झौताका एजेण्डा विज्ञहरुके सुझाव सल्लाहमा गरिने बताइरहँदा देउवाको ठाडो शैलिको यो निर्देशनले सरकारको शैलि र देउवाको राजनीतिक अवस्था र बुझाई अनि नेपाली काँग्रेस कसरी चलिरहेको छ भनेर देखाएको छ ।

हेर्नुहोस् अनलाईनखवरले प्राप्त गरेर युट्युवमा राखेको यो भिडियो