बिप्लव माओवादी महाधिवेशन फागुन १ देखी ७ सम्म, कात्तिकको बन्द अहिलेनै घोषणा

Posted on: September 05, 2016 | views: 318

२० भदौ, काठमाडौं ।
नेत्रविक्रम चन्द ‘विप्लव’ नेतृत्वको नेकपा ९माओवादी०को महाधिवेशन आगामी फागुन १ देखी ७ गतेसम्म हुने भएको छ ।

आठौं राष्ट्रिय महाधिवेशनबारे जानकारी दिन आयोजित पत्रकार सम्मेलनमा विप्लव माओवादीका प्रवक्ता खड्गबहादुर विश्वकर्मा ९प्रकाण्ड०ले फागुन १ गते जनयुद्ध दिवसको दिन खुलामञ्चमा महाधिवेशन उदघाटन गर्ने र बन्दसत्र रोल्पाको थवाङमा गर्ने बताएका छन् ।

माओवादी जनयुद्धको समयमा उद्गम स्थल मानिने थवाङलाई विप्लव माओवादीले आफ्नो आधार बताउँदै आएको छ ।

महाधिवेशनको तयारीस्वरुप मंसिर महिनासम्म गाउँ, नगरको सम्मेलन र पुसमा जिल्लाको सम्मेलन सक्ने बताइएको छ ।

यसैबिच विप्लव माओवादीको यही भदौ ११ गतेदेखि १४ गतेसम्म बसेको पार्टीको केन्द्रीय समितिको पूर्णबैठकको निर्णय सार्वजनिक गर्दै प्रवक्ता विकले अब जनसत्ता पुनर्गठनमा तिव्रता दिने बताए ।

उनका अनुसार विप्लव माओवादी जनजिविकाका मुद्दा अघि सारेर भदौ २० देखि २५ गतेसम्म पहिलो चरणको संघर्षका कार्यक्रम गर्ने बताइएको छ ।
उनले दाल, चामल, तेल, चिनी, तरकारी, फलफूल, दूध र मासुमा ५० प्रतिशत मूल्य घटाउन सरकासँग माग गरेको छ ।

यस्ता माग समेटिएको ज्ञापन माओवादीले आफ्ना पूर्व पार्टी अध्यक्ष समेत रहेका प्रधानमन्त्री पुष्पकमल दाहाल प्रचण्डलाई भदौ २२ गते ज्ञापनपत्र बुझाउने बताइएको छ ।

विप्लव माओवादीले भदौ २८ गते देशव्यापी मशाल जुलुस र असोज ५ गते आपूर्ति मन्त्रालय घेराउ गर्नुकासाथै असोज २५ गते देशव्यापी एक घण्टा ९विहान ९ देखि १० बजेसम्म० चक्काजाम र दशैं तिहार लगत्तै कात्तिक २८ गते नेपाल बन्द गर्ने घोषणा अहिले नै गरिसकेको छ ।