शक्तिखोरलाई ‘औद्योगिक नगरी’ बनाउन माग

Posted on: August 27, 2016 | views: 251

काठमाडौं,भदौं ११ । चितवन उद्योग संघका प्रतिनिधिहरुले प्रधानमन्त्री पुष्पकमल दाहाल ‘प्रचण्ड’लाई भेटी चितवनको शक्तिखोरलाई ‘औद्योगिक नगरी’ बनाउन माग गरेका छन् ।

शनिबार दिउँसो कृष्णप्रसाद अधिकारीको नेतृत्वमा आएको संघको प्रतिनिधि मण्डलले चितवनको शक्तिखोरस्थित साढे दुई हजार बिघा जमिनमा औद्योगिक क्षेत्र स्थापनाको निर्णय गर्न तथा चितवनमा औद्योगिक प्रदर्शनी आयोजनामा सहयोग गर्न प्रधानमन्त्रीसँग माग गरेको थियो ।

भेटमा प्रधानमन्त्रीले चिवतनलाई ‘औद्योगिक नगरी’ बनाउने कुरा रणनीतिक महत्वको विषय भएको बताउनुभयो । प्रधानमन्त्रीले भन्नुभयो, ‘चितवन औद्योगिक नगरी बनाउने प्रस्ताव धेरै रणनीतिक महत्वको कुरा हो । यसमा आवश्यक पहल गर्छु । प्रदर्शनी केन्द्रका लागि सरकारका तर्फबाट आवश्यक सहयोग हुनेछ ।’