प्रचण्ड सरकारले पूर्णता पाउने भाका मंगलबार सर्यो

Posted on: August 22, 2016 | views: 380

६ भदौ, काठमाडौं ।
सोमबारनै पुष्पकमल दाहाल प्रचण्ड नेतृत्वको सरकारमा नेपाली काँग्रेसबाट मन्त्री थपेर पुर्णता दिने बताइएपनि यो भाका एकदिनको लागि सरेको छ ।

सोमबार उपराष्ट्रपति नन्दबहादुर पुनसँग भएको भेटमा प्रधानमन्त्री पुष्पकमल दाहाल प्रचण्डले काँग्रेसबाट थप मन्त्री नियुक्त गरेर मंगलबार सरकारले पूर्णता पाउने बताएका हुन् ।

भेटमा प्रधानमन्त्री दाहालले उपराष्ट्रपतिलाई भोलीसम्ममा मन्त्रिपिरषदले पूर्णता पाउने जानकारी गराएको उपराष्ट्रपतिका प्रेस संयोजक मनोज घर्तिले जानकारी दिए ।

उपराष्ट्रपतिले अन्तरिम संविधान २०६३ को व्यवस्थानुसार उपराष्ट्रपतिको व्यवस्था भए पनि हालसम्म उपराष्ट्रपति कार्यालयको आफ्नै भवन नभएकामा प्रधानमन्त्रीको ध्यानाकर्षण गराइएको बताइएको छ ।