संघियता घोषणा पछि नेपाली काँग्रेस राज्य पुर्नसंरचनाको धारणा बनाउँदै

Posted on: August 21, 2016 | views: 356

५ भदौ, काठमाडौं ।
नेपाली जनमानसमा एउटा उखान व्याप्त छ मरेपछिको ओखती । अर्थात् काम सकिएपछिको कामको लागि चाहिने महत्वपूर्ण कुरा ।

अहिले त्यस्तै चरितार्थ गरिरहेको छ नेपाली काँग्रेसले । गणतन्त्र घोषणा पछि गणतन्त्र बारे बहस, संघियता घोषणा पछि पुर्नसंरचनाको छलफल । यस्तै छलफल थालेको छ नेपाली काँग्रेसले ।

नेपाली काँगे्रसका सभापति शेरबहादुरदेउवाले जनतालाई अधिकतम सेवा सुविधा उपल्बध गराउने किसिमले राज्यको पुर्नसंरचना गरिनुुपर्ने बताउनु भएको छ ।

स्थानिय तहको पुर्नसंरचनाबारे पार्टीको आधिकारिक अवधारणा बनाउन नेपाली काँग्रेसले आयोजना गरेको अन्तक्र्रिया एवं छलफल कार्यक्रमको आज काठमाडौमा उद्घाटन गर्नुहुँदै सभापति देउवाले राज्य पुर्नसंरचना गर्दा सबै पार्टीहरुको सहमति एवं धारणा सहित जनताको राय पनि व्यापक रुपले लिएर अघि बढनुपर्ने बताउनुभयो ।

कार्यक्रममा पार्टीका वरिष्ठ नेता रामचन्द« पौडेलले स्थानिय सुशासन होकी, जातिय सुशासन भन्ने विषय छुट्याएर राज्य पुर्नसंरचना गरिनुुपर्ने धारणा राख्नुभयो ।

त्यसैगरि कोषाध्यक्ष सीतादेवी यादव, केन्दि«य सदस्य प्रकाशमान सिंहले जनताले पाईरहेको सेवा सुविधा कटौति नहुनेगरि जनताले अझ बढि अधिकार र सेवा प्रत्याभुत हुनेतर्फ केन्दि«य सदस्य तथा जिल्ला सभापतिहरुको ध्यान जानुपर्ने धारणा राख्नुभयो ।

भोलि सम्म चल्ने छलफलमा स्थानिय तहको पुनर्संरचनाबारे काँग्रेसले पार्टीका जिल्ला सभापति , पदाधिकारी र केन्दि«य सदस्यहरुको सहभागिता छ ।

पुर्नसंरचना बनाउन जिल्ला सभापतिहरुको धारणा लिएर आधिकारिक धारणा बनाउने नेपाली काँग्रेसले जनाएको छ ।