माओवादीको महाधिवेशन स्थगित

Posted on: August 19, 2016 | views: 186

३ भदौ, काठमाडौं ।                                             
नेकपा 'माओवादी केन्द्र' केन्द्रीय कार्यालय बैठकले आगामी पौष २८ गतेदेखि गर्ने तय भएको पार्टीको राष्ट्रिय महाधिवेशन स्थगित गरेको छ ।

प्रधानमन्त्री तथा पार्टी अध्यक्ष पुष्पकमल दाहालको अध्यक्षतामा आज लाजिम्पाटमा बसेको बैठकले महाधिवेशन स्थगित गर्ने निर्णय गरेको हो ।

बैठकका निर्णयबारे जानकारी दिँदै माओवादी केन्द्रका नेता नारायणकाजी श्रेष्ठले पार्टी अध्यक्षको नेतृत्वमा बनेको सरकारको कामलाई प्रभावकारी बनाउनु पर्ने र  सरकारकै काममा मूख्य ध्यान दिनुपर्ने भएकोले महाधिवेशन स्थगित गर्ने निर्णय गरिएको बताउनु भयो ।

बैठकले  आज ११ गते गर्ने भनिएको राष्ट्रिय महाधिवेशन आयोजक समितिको बैठक पनि स्थगित गरेको छ ।