विद्यार्थी संगठन जताततै विवाद । अनेरास्ववियुको विवाद मिलाउने जिम्मा अधिकारीलाई

Posted on: August 19, 2016 | views: 490

३ भदौ, काठमाडौं ।
महाधिवेशन उद्घाटन भएको १३ दिनपछि नेतृत्व छानेर अकर्मण्य युवा नेतृत्वको उदाहरण पेश गरेको काँग्रेस भातृसंस्था नेविसंघको घटना देखिरहँदा फेरी एमाले युवा संगठनको विवाद छताछुल्ल भएको छ ।

नेकपा ९एमाले० निकट अनेरास्ववियुको विवाद चरमोत्कर्षमा पुगेपछि त्यसलाई मिलाउने जिम्मा विद्यार्थी इन्चार्ज तथा पार्टी केन्द्रीय सदस्य रवीन्द्र अधिकारीलाई दिइएको छ ।

अनेरास्ववियुका महासचिव ऐन महरले सचिवालयको कार्य विभाजनबारे देखिएको विवाद मिलाउने जिम्मा विद्यार्थी इन्चार्ज अधिकारीलाई दिएको जानकारी गराउनुभयो ।

अध्यक्ष नवीना लामा र महासचिव महरबीचमा सचिवालय सदस्यको कार्य विभाजनबारे विवाद हुँदै आएको छ ।

विवाद मिलाउने जिम्मा विद्यार्थी इन्चार्जलाई दिएपछि आगामी शनिबार महासचिव महरले बोलाएको भेला समेत स्थगित गरिएको छ ।

नेकपा एमालेको हरेक भातृसंगठनमा नेपाली काँग्रेसको शेरबहादुर र रामचन्द्र पौडेल खेमा भनेजस्तै अध्यक्ष केपी ओली र माधव कुमार नेपालका छुट्टा छुट्टै गुटहरु रहनेगरेको छ ।