प्रधानमन्त्रीका विशेष दूतका रुपमा निधि भारत र महरा चीन जाने

Posted on: August 11, 2016 | views: 257

२७ साउन,काठमाडौ । 

प्रधानमन्त्रीको विशेष दुतको रुपमा दुई उपप्रधानमन्त्री चीन र भारत पठाउने मन्त्रीपरिषदको वैठकले निर्णय गरेको छ । प्रधानमन्त्री पुष्पकमल दाहाल प्रचण्डको अध्यक्षमा बसेको मन्त्रिपरिषद्को आज बसेको वैठकले बिमलेन्द्र निधीलाई भारत र कृष्णबहादुर महरालाई चीन पठाउने निर्णय गरेको हो । 

नेपाल र दुई छिमेकी देशबीचको सम्बन्ध सुमधुर गर्न छिमेकी देश पठाउने निर्णय गरेको जनाईएको छ । कहिले पठाउने भन्ने समय भने तोकिएको छैन् । नेपालमा सत्ता परिवर्तन भएपछि यो पहिलो सरकारी भ्रमण हुनेछ। बैठकले मिसावट, कालोबजारी र कृतिम अभावबारे भएको कानुनी व्यवस्थामा थप कडाई गर्नका लागि ऐन संशोधनको प्रस्ताव ल्याउन कानुन मन्त्रालयलाई निर्देशन दिएको छ ।