माओवादी केन्द्रको पोलिटब्युरो बैठक बस्दै

Posted on: July 05, 2016 | views: 232

२१ असार, काठमाडौं ।

नेकपा माओवादी केन्द्रले पार्टीको कार्यबिभाजन र नेताहरुको जिम्मेवारी बाँडफाँडमा छलफल गर्ने भएको छ । आज बस्ने पोलिटब्युरो बैठकमा महाधिवेसन केन्द्रित एजेण्डामा छलफल हुनेछ ।

दिउँसो पार्टी कार्यालय कोटेश्वर पेरिसडाँडामा बस्ने बैठकमा नेताहरुको कार्यविभाजन, महाधिवेसनको तयारी र सरकार गठनका विषयमा छलफल हुने नेताहरुले बताएका छन् ।

माओवादी केन्द्रका नेता जर्नादन शर्माले महाधिवेसनको तयारीमा बैठक बस्न लागेको तर समसामयीक विषयमा पनि छलफल हुने बताउनुभयो । सम्भव भएसम्म आजै महाधिवेसनको मिति तय गर्ने उहाँले बताउनुभयो ।

केन्द्रले माघसम्ममा महाधिवेसन गर्ने भनिएपनि एकिन मिति तय गरेको छैन । बैठकमा नेता बर्षमान पुन अनन्तको नेतृत्वको कार्यदलले तयार पारेको सांगठनिक संरचना सहितको प्रतिवेदनमा पनि छलफल हुनेछ ।