ओली सरकार भुकम्प पिडितका नाममा कार्यकर्ता पोषण गर्नतिर ब्यस्त भयो: डा. महत

Posted on: June 24, 2016 | views: 204

भक्तपुर, असार १० । नेपाली काँग्रेसका नेता डा. प्रकाश शरण महतले वर्तमान सरकारले भुकम्प पिडितका नाममा राहत उपलब्ध गराउने भन्दा पनि कार्यकता पोषण गरेको आरोप लगाउनु भएको छ । रफत सञ्चार क्लबले आयोजना गरेको साक्षतकार कार्यक्रममा उहाँले प्राधिकरणले कुनै काम नगरेको र सरकारले आफ्ना कार्यकर्ता भरण पोषणमा लागेको आरोप लगाउँदै भुकम्प पिडितका सवालमा प्रधानमन्त्रीले जेष्ठसम्म छानो उपलब्ध गराउने भनाई उखान टुक्का र मनोरञ्जनमै सिमित बनेको बताउनु भयो ।

उहाँले सरकारले भुकम्प पिडितका हकमा जति सक्दो छिटो बासको बन्दोबस्ती गर्ने प्रतिबद्धता संसदमा पेश गर्दैन तवसम्म नेपाली काँग्रेसले संसद अबरुद्ध गर्दै पिडितका पक्षमा उभिने बताउनु भयो ।  महतले प्राधिकरणको बिधानमै अध्यक्ष प्रधानमन्त्री र उपाध्यक्षमा प्रमुख प्रतिपक्ष रहने भएता पनि हाल सम्म कुनै बैठकको आह्रवान नगरेको भन्दै काँग्रेसको बिरोध पश्चात पहिलो बैठकको आह्रवान गरेको बताउनु भयो । प्रचन्डले नेपाली काँग्रेसलाई समर्थन गर्ने जनाएता पनि पछि आएर परिवर्तन भएकै कारण तत्काल सरकार परिवर्तन नभएको भन्दै हाल सम्म नेपाली काँग्रेसँग बहुमत नभएकै कारण वर्तमान सरकार टिकेको बताउनु भयो । सरकार कुटनीतिक पक्षमा पूर्णरुपमा असफल रहेको वर्तमान सरकारको काम र ब्यवहार हेरे पुग्ने भन्दै उहाँले वर्तमान सरकारको नेतृत्वले काम भन्दा पनि नेपालीलाई मनोरञ्जन प्रदान गरेको आरोप लगाउनु भयो ।

नेपाली काँग्रेसमा पछिल्लो समय गट उप गुटको राजनीति मौलाएको बिषय हल्ला मात्र भएको उहाँको भनाई छ । राजनीतिक पार्टीमा हुने छलफललाई जसरी सञ्चार माध्यमले सम्प्रेषण गरेका छन् त्यो भन्दा पनि पहिलो प्राथामिकता को बिषय पुर्ननिमाणको काम भएकाले काँग्रेस त्यस तर्फ केन्द्रित बनेको उहाँले बताउनु भयो ।