बजेटमाथि छलफल सुरु, संसदीय सुनुवाई समिति सभापतिको चुनाव हुने

Posted on: June 20, 2016 | views: 212

६ असार, काठमाडौं ।
व्यवस्थापिका–संसदमा विनियोजन विधेयक, २०७३ का विभिन्न शीर्षकमाथिको छलफल सोमबारदेखि प्रारम्भ भएको छ ।

आजको बैठकमा वाणिज्य, विज्ञान तथा प्रविधि, जनसङ्ख्या तथा वातावरण, संस्कृति, पर्यटन तथा नागरिक उड्डयन, सिँचाइ, सामान्य प्रशासन र पशुपक्षी विकास मन्त्रालयको विनियोजन शीर्षकमाथि छलफल सुरु भएको छ ।

संसदीय सुनुवाई समितिका सभापतिको निर्वाचन
व्यवस्थापिका संसद अन्तर्गत संसदीय सुनुवाई विशेष समितिको सभापति पदको निर्वाचन यही असार ८ गते बुधवार हुने भएको छ ।

संसदको आजको विशेष समयमा प्रतिपक्ष दलका सांसदहरुले भूकम्प गएको १४ महिना वितिसक्दा समेत पुनर्निमाणको अभियान सञ्चालन गर्न नसकेको भनी सरकारको आलोचना गर्नुभयो ।

उहाँहरुले पूर्ववर्ती सरकारले घोषणा गरेको राहत र सहयोग एकमुष्ट रुपमा वितरणको व्यवस्था गर्न माग गर्दै पुनर्निमर्णको काम आवश्यक रुपमा अघि बढाउन नसकेको भन्दै राष्ट्रिय पुनः निर्माण प्राधिकरणको विघटनको माग गर्नुभयो ।