प्रचण्ड सत्ताकै स्वादमा, भन्छन्-'संसदबाट बजेट पास भएपनि नया सरकार'

Posted on: June 11, 2016 | views: 289

२९ जेठ, धनगढी ।

नेकपा माओवादी केन्द्रका अध्यक्ष पुष्पकमल दाहालले ब्यवस्थापिक संसदबाट बजेट पारित भएलगत्तै राष्टिय सहमतिको सरकार गठन हुने बताउनु भएको छ ।

पब्लिक मिडिया क्लवद्धारा आज धनगढीमा आयोजित पत्रकार सम्मेलनमा अध्यक्ष दाहालले संबिधानको कार्यान्वयन, पूनर्निर्माण, मधेशतराइको माग सम्बोधनका लागि दलहरुका बिच राष्ट्रिय सहमति र एकता आबश्यक रहेको बताउनुभयो ।

पत्रकारको जिज्ञासामा उहाँले अहिले बहुमतीय सरकार बनाउने र गिराउने समय नभएको तर सहमतिय सरकारको नेतृत्व लिने जिम्मेवारी आए त्यसका लागि माओवादी केन्द्र तयार रहेको बताउनुभयो ।

अध्यक्ष दाहालले आगामी संसदको बैठकबाट संसदीय बिशेष सुनुवाई समिति गठन लगायत बिषय टुगो लाग्ने र त्यसपछि राजदूत नियुक्ति जस्ता काम अघि बढ्ने जानकारी दिनुभयो ।