उपराष्ट्रपति नन्दबहादुर पुन चीन भ्रमणमा जाने

Posted on: June 08, 2016 | views: 294

२६ जेठ, काठमाडौं ।
सरकारले उपराष्ट्रपति नन्दबहादुर पुनको आगामी जेठ २८ गतेदेखि असार २ गतेसम्म हुने मित्रराष्ट्र चीनको औपचारिक भ्रमणलाई स्वीकृत गरेको हो ।

सिंहदरबारमा बुधवार बसेको मन्त्रिपरिषद् बैठकले उपराष्ट्रपतिमा निवार्चित भएयताको पहिलो विदेश भ्रमणलाई स्वीकृत गरेको हो ।

बैठकले विज्ञान तथा प्रविधि मन्त्रालयका सचिव गजेन्द्र ठाकुरलाई सिँचाइ र सिँचाइ मन्त्रालयका सचिव अनुप उपाध्यायलाई विज्ञान तथा प्रविधि मन्त्रालयमा सुरुवा गर्ने निर्णय गरेको उद्योगमन्त्री सोमप्रसाद पाण्डेयले जानकारी दिनुभयो ।

त्यस्तै बैठकले थाइल्यान्डमा उपचार गराउँदै आउनुभएका जनआन्दोलन २०६२/६३ का घाइते सिन्धु उप्रेतीको स्वास्थ्य उपचारका लागि रु १६ लाख ५६ हजार सहयोग उपलब्ध गराउने र सम्पत्ति सुद्धिकरणसम्बन्धी नियमावली–२०७३ छलफलका लागि विधेयक समितिमा पठाउने निर्णय गरेको उद्योगमन्त्री पाण्डेले जानकारी दिनुभयो ।